Popular Bible Verses from Hebreos 11

Share

Diosrö esetäcuähuänä, o'ca juiyönä tta̧tä̧rö̧mä̧ tȩmä̧cuo̧tö̧jä̧ pä'ö huo̧juä̧tö̧jä̧. Ja̧'hua̧ta̧nö̧ Diosrö esetäcuähuänä, koro juäi totocö juäi'inä iso päi'önä ja̧'a̧ huo̧juä̧tö̧jä̧. Ujutu tä̧do̧tö̧ mi̧nä̧ adiu ttesetina'attö, adiu ka̧cui̧nä̧tö̧do.

Ja̧'hua̧nö̧ ja̧'a̧nä̧ ya̧tȩ Diosrö esetoca'anä, Dios esehuarö pä'ö yoröiso jȩpo̧cö̧do. Ya̧tȩ Diosrö ötö'cöhuächa pä'ömä, Diosmä kö̧ pä'ö ȩsȩtä̧cua̧. Ja̧'hua̧ta̧nö̧ Diosrö usätörö, Diosmä adihuä juäi iyö pä'ö ȩsȩtä̧cua̧.

Diosrö esetö, huo̧juä̧tö̧jä̧ chutä Dios i̧huȩnȩ päö'a̧nö̧ pi̧jä̧ aditinö pä'ö. Ja̧'hua̧ ja̧'a̧ttö̧ jitä totömä, totocö juäittö adicuina'ado.

Diosrö esetö, Dios huomenä, Dios päinö ta'anö jȩpi̧nö̧do Abrahammä. Korome, Dios ja̧u̧ru̧ iya päinome i̧'cha̧ pä'ö rä'opinödo. Chutä adihuä i̧rȩjä̧ttö̧ rä'opinödo i̧'chä̧cuo̧mȩ ieruhua'ara̧'a̧. Diosrö esetö, ya̧tȩ korotö tti̧rȩjä̧nä̧ ö̧jö̧'a̧nö̧, Dios iya päinome ki̧nö̧do Abraham, isotö tti̧jȩti̧yu̧ttu̧ adicuodenä Isaaccu, Jacobocu ki̧nö̧do. Jahuätörö'inä ju̧huä̧jä̧ rȩjȩ iya pä'inödo Dios.

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Diosrö esetö, Enoc 'corupäi'oca'anä mo̧ro̧jä̧ra̧'a̧ ȩmi̧nä̧cu̧do. Ja̧u̧ru̧ ttu̧sä̧ro̧mȩnä̧, po̧cui̧po̧co̧tö̧ pi̧nä̧tö̧do, Dios ja̧u̧ru̧ ȩmi̧na̧'a̧ttö̧. Huȩyu̧cuä̧ Huȩnȩ päa'a: “Dios Enocrö ȩmä̧cua̧'a̧ ä'canä, esehuinäcudo.”

Diosrö esetö, Abelmä, Caínttö'inä abonänö adihuä juäi sacrificio iyinödo Diosrö. Ja̧'hua̧nö̧ ja̧'a̧ttö̧ Dios esehuinäcudo. Iyinömä ȩmi̧nö̧do. Ja̧'hua̧ ja̧'a̧ttö̧ Abel 'corupäi'inö o'ca'a, Diosrö esetina'attö ji̧nä̧ ucuocua'ado.

Diosrö esetö, Sara'inä ki̧tti̧ ku̧ju̧nä̧ro̧ca̧'a̧, böa isaju kö̧ja̧'a̧ttö̧'i̧nä̧, kujuru ȩmi̧nä̧ju̧do, ki̧tti̧rö̧ ku̧ju̧nä̧ra̧ pä'ö. Iso päi'önä Dios päinö ta'anö jȩä̧cua̧ pä'ö keseta'attö, ki̧tti̧rö̧ ku̧nä̧ri̧nä̧ju̧do.

Abraham koro ötahuiyä, 'quiyönä adicuome, Dios aditome tta̧'ä̧ri̧nö̧do.

Diosrö esetö, Moisés böo juomenä, Egipto ru̧hua̧ ittiju ki̧tti̧ pättarö pä'ö kö'cocö pi̧nö̧do. Chutä, korotö eseunu jitörötä pä̧huä̧ rö̧jä̧u̧ suronä jȩtta̧'a̧ öjö'coca'attö, Dios umöhuäyotöcu ubara ttuhua pä'inödo. Cristorö rö̧ȩnä̧ chesetomenä ubara ttuda'attö, Egipto rȩjȩnä̧ o'ca juiyönä rö̧ȩnä̧ micuäu juäi chu̧ju̧nä̧rä̧cuȩttö̧'i̧nä̧ abonänö rö̧ȩnä̧ chu̧ju̧nä̧rä̧cua̧sä̧ pä'ö amöcuädinödo. Chutä Dios ja̧u̧ru̧ adihuä juäi iyä̧cuȩ amöcuäda'attö, ja̧'hua̧nö̧ pä'inödo. Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

Diosrö esetö, Abraham Dios ja̧u̧ru̧ ka̧cuä̧mö̧ hueomenä, i̧tti̧ Isaacrö sacrificio päi'önä i'cächinödo. “Isaac ahuaruhuä o'cotörö recuätörö cu̧ju̧nä̧rä̧cua̧jä̧”, Dios päinömä amöcuäda'anä, Abraham i̧tti̧ ya̧tȩrö̧tä̧ sacrificio päi'önä iyinaji.

Ja̧'hua̧ta̧nö̧ Diosrö esetö, Rahab, mä̧nä̧ ruhuaju, korotö suronä jȩpä̧tö̧cu̧ 'corupä'i'ocoju pi̧nä̧ju̧do. Jahuäjumä, Israel ttö̧ja̧ttö̧, ötahuiyä topö yä̧huä̧i̧nä̧ 'chi̧nä̧tö̧rö̧, adiu ppä'ädinäjudo.

Ja̧'hua̧ta̧nö̧ Diosrö esetö, Israel ttö̧ja̧ Mar Rojo dubora kä'coranä, rȩjȩ jome tti̧'chö̧'a̧nö̧ 'cuä'opinätödo. Egipto ttö̧ja̧ ja̧'hua̧nö̧ 'cuättopa pättomenä, a̧'ä̧u̧ icuinätödo.

Diosrö esetö, Israel ttö̧ja̧ Jericó ötahuiyä u̧mi̧ i̧so̧ca̧ kada'ca ko̧ro̧mö̧ttö̧nö̧ todäre mo̧ro̧ päi'omenä sobötö cue'ächinätödo. Ja̧'hua̧nö̧ tteseta'attö, ja̧u̧ ötahuiyä i̧so̧ca̧ ma̧ä̧chi̧na̧'a̧do.

Diosrö esetö, Moisés pascua fiesta jȩpi̧nö̧do. Ttojusode äpate ä'ca, isotö ttucuoja tuttepa pä'ö hue'inödo, chutä ángel 'corupäi'äcuähuä ru̧hua̧, Israel ttö̧ja̧ttö̧ tti̧tti̧, ä'canä uhuäpächinörö, cuä'ö icu juiya pä'ö.

Diosrö esetö, José 'corupäi'omenä: “Israel ttö̧ja̧ Egipto rȩjȩttö̧ yodoji rättopäcuotö”, pä'inödo. Ja̧'hua̧ta̧nö̧ chutä o'co jähuä ihue'quiyu ttu'turäcua'a hue'ipinödo.

Ja̧'hua̧ta̧nö̧ Diosrö esetö, Jacobo 'corupäi'äcua'a ä'canänö, o'ca toi'önä José i̧tti̧mö̧rö̧ adiu ppädäcuähuä huȩnȩ jiähuinä̧u̧do. Ja̧'hua̧ta̧nö̧ itta'canä 'chu̧'ä̧rö̧ kä̧nö̧, Diosrö eseunu ucuocuinödo.

Diosrö esetö, Isaac adiu yodoji ppädä̧cuȩ huȩnȩ ji'ähuinödo Jacoborö'inä, Esaúru'inä.