Popular Bible Verses from Efesios 6

Share

Ujutumä ttö̧ja̧cu̧, ttidepä'inä, ttihue'quiyu'inä ku̧nä̧rä̧tö̧cu̧ rohuähuocotöjä. Pi̧jä̧ isoppanä suronä huȩ'ä̧rä̧tö̧cu̧ rohuähuätöjä. Ja̧'hua̧nö̧ pädomenä, pi̧jä̧ yo̧ö̧cu̧ cue'ächätörö ttujurunä huȩ'ä̧rä̧tö̧cu̧ rohuähuätöjä pä'ösä.

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Ähuettä ucuturu suronä jȩo̧mȩnä̧, cuami 'qui'ächi'ö ka̧cuä̧tu̧cui̧, o'ca juiyönä Dios ucuturu iyinö ta'anö.

Ja̧'hua̧nö̧ ja̧'a̧ttö̧ o'ca juiyönä Dios hueinö ȩmä̧tu̧cui̧, suronä 'cuäopomenä, suronä jȩcu̧'ä̧tu̧cuo̧ca̧'a̧nä̧, cuami 'quicuhuächi'ätucuäcua'a̧nö̧.

'Po̧'a̧ri̧ doächi'a'acu ttu̧mö̧nä̧ 'quiyö juäi 'chu̧ttä̧ra̧'a̧ jä̧'i̧nö̧'a̧nö̧, adiu esetätucui ucutu'inä, o'ca juiyönä ähuettärö jarodi'ö cujuruhuätucuarö pä'ö. Ttunä cuähuächa'acu ttunä 'quiyö juäi ttu̧huä̧nähua'a jä̧'i̧nö̧'a̧nö̧, tta̧'ä̧rä̧cuä̧huä̧tu̧cui̧ ucutu'inä, suronä jȩttö̧ jȩpö̧ icu huȩnȩ esetö. Ja̧'hua̧ta̧nö̧ curodä ttȩpa̧'a̧ jä̧'i̧nö̧'a̧nö̧, ȩpä̧tu̧cui̧ ucutu'inä adihuä Dios i̧huȩnȩ Espíritu Santo iyä̧u̧.

Adiu 'quiyönä ka̧cuä̧tu̧cui̧. Ttäcä cureya ra̧'a̧ jä̧'i̧nö̧'a̧nö̧, iso päi'önä huȩnȩ ku̧nä̧rä̧tu̧cui̧. Ya̧tȩ su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, 'ca̧tä̧dä̧cuä̧huä̧tu̧cui̧ adiunä jȩä̧cuä̧huä̧. Ya̧tȩ su̧ro̧da̧u̧ i̧sa̧ ö̧jä̧pö̧ isä'ca u̧ju̧nä̧u̧'a̧nö̧ rohuäu i̧'cha̧ pä'ö, ucutu'inä ja̧'huä̧nö̧ jä̧'i̧nö̧'a̧nö̧ jo̧mȩ päi'önä Diosrö eseäcuähuä huȩnȩ jicuhuähuätucua pä'ö adicuätucui.

Jitämä chö̧jä̧hua̧tö̧, Dios ujurunä cuami 'qui'ächi'ätucui Tu̧ru̧hua̧rö̧ esetö.

Dios adihuä juäi iya päa'attö, äcuomenä hueinö pi̧yȩmä̧: “Cuä'orö'inä, cua̧ju̧ru̧'i̧nä̧ ucuotönö ka̧cuä̧tu̧cui̧, eseunu cu̧ja̧cuä̧tu̧cuä̧cua̧'a̧nö̧ pi̧jä̧nä̧. Ja̧'hua̧ta̧nö̧ recuonä cu̧ja̧cuä̧tu̧cuä̧cua̧'a̧nö̧ pi̧jä̧nä̧.”

Ppo̧'ä̧tö̧ Diosrö esetätömä, cuä'o hueö eseunu jȩpä̧tu̧cui̧. Cuä'o hueö jȩcu̧'ä̧tu̧cu̧mä̧ adiu.