Popular Bible Verses from YAKOBO 2

Share

Rero ebwemeresi nabo kuno'ku. Ebwemeresi bwa buténjire bwálorekana'ko kurengera emyanya, eri bufíre.

Kubinali! Emubiri ola utáli mu muka, eri afíre. Kuno'ku, ebwemeresi bwa butálorekana'ko kurengera emyanya nabo, eri bufíre.

Banyaketu, mutoloke muchiye ola mundu àngabona mango áteta mbu éte bwemeresi, no'ku aténjire álosa'bo kurengera bya áira? Obu bwemeresi bùngamununula?

Woyo wemérere kwa kutúla Ongo muuma oshâo. Kubinali! Anabe ne'bihwasi nabi, binêmerere oyu mwasi, kanji byénde byánakukumana ne'buba!

Emundu àngateta mbu: «woyo, wéte bwemeresi, nanyi nyéte myanya ibuya.» «Ùnyilosaa ebwemeresi bwao bwa butéte myanya ibuya, nanyi nyìkulose ebwemeresi bwanyi kurengera emyanya yanyi ibuya.»

Bushi ebandu ba bàtatusa bonjo mango báchinjibusa ebanji, Ongo nai atákabafire'bo. Si ola wénde wáfira ebanji ebonjo, àtobaa ebuchinjibusi.

Si musene kwa kasi emundu énde álorekana'ko kwa àtungenene era muhondo sa Ongo kurengera bya áira, si atá kurengera ebwemeresi oshâo.

Rero, ùtasene kwa ebwemeresi bwa Aburahamu, bwálorekanaa'ko kurengera emyanya yai ibuya, na mwe'i njira bwera kuba bwa bunálumirire kanangana.