Popular Bible Verses from Roma-ne̱ 3

Share

Ne̱t-ne̱ kowan no̱ng u̱t-ba'as, tu̱msu̱ e̱ no̱mo̱g m-ra u̱ sek-mu̱ u-Ru̱ ne̱. Tu̱msu̱ Ru̱-u̱ no̱ng se̱ge̱-u̱r wa remu̱ nya-u̱ wa no̱mu̱ in jab gan. Wa no̱mo̱g iya remu̱ Kiristi Ye̱so̱ wu̱ rure̱ in du̱gu̱ swadu̱ u̱r-ko̱b du̱ u̱t-ba'as.

Uno̱ jab-u̱ so̱-o̱ du̱gu̱-du̱ u-Ru̱ hagu̱n du̱gu̱-du̱ yadu̱ jab u̱du̱ Kiristi u̱du̱ i ya'e̱ u̱t-nip be̱e̱t. Mo̱ko̱n ku̱u̱k-mo̱ zaar da.

Ru̱-u̱ ya'aste̱ Ye̱so̱ u̱ka u̱r-to̱o̱g du̱ hastu̱ u̱t-ba'as. Wa no̱mo̱g iya remu̱ wa mu̱tte̱ ne̱t-ne̱ za u̱t-ba'as u̱du̱ u-Ru̱ da-u̱ e̱ ya jab u̱du̱ Ye̱so̱ wu̱ mare̱ u̱ remu̱ in tu̱msu̱ wa azu̱g hyu̱-m wa. To̱o̱g-u̱ o̱ ko̱ske̱ u̱zu̱ Ru̱-u̱ zatte̱ m-ku̱u̱k da, tu̱msu̱ remu̱ gag-du̱ jab-u̱ wa, wa ruuste̱ u̱ fu̱n-u̱ ba'as-tu̱ e̱ no̱me̱ u-dim wa yaag u̱n u̱r-ko̱b da. Ru̱-u̱ no̱ng gag-du̱ jab-u̱ uno̱ da-o̱ remu̱ wa ko̱ste̱ u̱zu̱ wa o̱tte̱ jab-u̱ so̱-o̱. Tu̱msu̱ ne̱t be̱e̱t wu̱ ya' jab u̱du̱ Ye̱so̱ wa de̱ u̱t-shu̱'u̱t wa jab-u̱ so̱-o̱.

Remu̱ iya, waku̱n zaar wu̱ de̱ u̱t-shu̱'u̱t wa za u̱t-ba'as remu̱ do̱rru̱ no̱m-u̱ bo̱r-tu̱ zu̱ na no̱m da. No̱m-u̱ bo̱r-tu̱ nome̱ o̱ ko̱su̱ ne̱t u̱ka ba'as-u̱t wa o̱tte̱.

U̱-me̱ Rem-su̱ u-Ru̱, na panu̱g no̱m-u̱t tun-to̱ u̱t-be̱e̱t: <<Ne̱t-u̱ jab-u̱ so̱-o̱ zarra, ko̱ wa-gan; waku̱n zaar wu̱ o̱ m-nap ne̱ da, waku̱n zaar wu̱ o̱ sa-u̱ u-Ru̱ da. Ne̱t-ne̱ be̱e̱t e̱ yakke̱ fu̱n-yu̱ u-Ru̱, Ne̱t-ne̱ be̱e̱t e̱ zatte̱ fu̱n da; Waku̱n zaar wu̱ nome̱ no̱m-u̱t so̱-to̱ da, ko̱ wa-gan.>>

In nak u̱zu̱ Ru̱-u̱ o̱ kab-du̱ u̱t-ne̱t remu̱ yadu̱ jab-u̱ e̱ za remu̱ do̱rru̱ u-bo̱r da.

Za u̱t-no̱me̱ da iya! Ko̱ ne̱t-ne̱ be̱e̱t shu̱'u̱te̱ a-u̱s-bi, u-Ru̱ wa-u̱t-nip wa, u̱ka Rem-su̱ u-Ru̱ zu̱tte̱: <<Remu̱ ne̱t-ne̱ hyen-u̱t u̱zu̱ no̱m-u̱ bo̱ ware̱ u̱ mo̱ttu̱ ba'as-u̱t u̱n nip-to̱, tu̱msu̱ bo̱ re̱ u̱r-ko̱rro̱ ana o̱ kwu̱p-du̱ rem-u̱s ró.>>