Popular Bible Verses from Sefanya 3

Share

MASRA, yu Gado, de na un mindri. Wan dyadya fetiman, di e tyari ferlusu. A sa abi prisiri nanga unu. Fu di a lobi unu, meki A o tan tiri. A sa breiti èn abi prisiri nanga unu.

A dei dati Mi sa tyari un kon baka. A dei di Mi o tyari un kon makandra Mi o gi unu grani nanga bigi nen na mindri ala den folku fu grontapu. Nanga un eigi ai un o si fa Mi o tyari wan kenki kon gi unu, MASRA taki.

MASRA puru a strafu na yu tapu di yu ben mus kisi. A figi den feyanti fu yu puru na pasi. MASRA, a Kownu fu Israel, de na un mindri. Yu no abi fu frede noti moro.

Ma arki, a dei dati Mi sa puru ala den sma di e pina unu na pasi. Mi sa ferlusu den malengri wan, èn Mi sa tyari kon na wan, den wan di ben panya go na alasei. Dan Mi sa gi grani nanga bigi nen na den wan di heri grontapu ben e si leki noti.