Popular Bible Verses from Yeremia 31

Share

Fu fara MASRA sori Ensrefi na mi. Iya, Mi lobi yu nanga wan têgo lobi, na dat' meki Mi no tapu fu sori yu a lobi fu Mi.

Den di weri, den di kon swaki, Mi o gi krakti baka.”

Ma disi na a ferbontu di Mi o meki nanga den sma fu Israel ini a ten di de na un fesi, MASRA, e taki: Mi sa poti a wèt fu Mi na den inisei. Mi o skrifi en ini den ati. Dan Mi o de a Gado fu den èn den o de a pipel fu Mi. Dan no wan fu den o abi fu leri en kondreman moro taki: ‘Yu mus leri sabi MASRA.’ Bika den alamala, bigiwan nanga pikinwan, o sabi Mi, MASRA e taki. Èn Mi sa gi den pardon fu den kruktudu fu den, den sondu fu den Mi no o prakseri moro.

Un yere, den dei e kon, MASRA e taki, dati Mi o meki wan nyun ferbontu nanga a pipel fu Israel èn nanga a di fu Yuda. A o de wan tra ferbontu leki a wan di Mi ben meki nanga den afo fu den, a ten di Mi ben teki den na den anu puru ini Egipte. Den ben broko a ferbontu dati aladi Mi ben a masra fu den, na so MASRA taki.