Popular Bible Verses from Krutubakra 7

Share

Dan MASRA taigi Gideon taki: “Mi no o gi den Midyanitisma abra na yu, bika den man fu yu furu tumsi. Mi no wani den Israelitisma naki tapu den borsu gi Mi taki nanga den eigi krakti den wini a feti.

Dan MASRA taigi Gideon taki: “Nanga den dri hondro man di leki a watra, Mi sa ferlusu unu. Mi sa gi Midyan abra ini yu makti. Ala den tra man kan drai go na den oso baka.”

Dat' meki yu mus bari fu ala den man fu yu yere, taki a sma di e frede èn di e beifi kan saka kmopo fu a Gileadbergi dan a drai go baka na en oso.” Di Gideon du dati tutenti-na-tu dusun man drai gwe. Tin dusun man tan na baka.

Ma MASRA taigi Gideon taki: “Den man di libi furu ete. Meki den saka go na a watra. Drape Mi sa prati den gi yu. Den wan di Mi o taigi yu taki o go nanga yu, sa go nanga yu. Ma den wan di Mi o taigi yu taki no mus go nanga yu, no sa go nanga yu tu.”

Dan Gideon meki den man saka go na a watra, èn MASRA taigi en taki “Den wan di e leki a watra nanga den tongo leki fa dagu e dringi, yu mus puru mindri den wan di go na tapu den kindi fu dringi.” Dri hondro man ben teki watra nanga den anu dringi. Ala den trawan ben go na tapu den kindi fu dringi.