Popular Bible Verses from Krutubakra 6

Share

Dan a Engel fu MASRA go na Gideon, dan a taigi en taki: “MASRA de nanga yu, dyadya fetiman.”

Ne MASRA drai, dan A taigi Gideon taki: “Hari gwe nanga a krakti di yu abi èn ferlusu den Israelitisma fu a makti fu Midyan. Na Misrefi e seni yu.”

MASRA piki en taki: “Mi de nanga yu. Na dat' meki yu o man wini den Midyanitisma leki nanga wan sma nomo yu e feti.”

Ne Gideon taigi en taki: “Tye, masra, efu MASRA de trutru nanga wi, fu sanede ala den sani disi e miti wi? Pe ala den wondru fu En de, fu san den afo fu wi ferteri wi? Den ben taki tak' na MASRA puru den ini Egiptekondre. Ma now MASRA no e luku wi na wan ai èn A libi wi gi den sma fu Midyan.”

Ma Gideon piki taki: “Ma MASRA, fa mi o man ferlusu Israel? A famiri fu mi na a moro pikinwan fu a lo fu Manase èn mi na a moro yonguwan fu a famiri.”

Dan a Engel fu MASRA kon dan A go sidon ondro a bigi bon na Ofra, di ben de fu Yoas, wan bakapikin fu Abiyeser. Gideon, a manpikin fu Yoas, ben e naki tarwe fu lusu den siri puru na a bosu. A ben e du dati ini wan baki pe den ben e masi droifi fu meki win. A ben e du en drape fu sorgu taki den Midyanitisma no feni en.

Dan Gideon bow wan altari leti drape gi MASRA. A kari en: MASRA na freide A altari tnapu te tide tapu a gron fu den bakapikin fu Abiyeser ini Ofra.

Ma Gideon aksi baka taki: “Efu Yu abi prisiri nanga mi, gi mi wan marki dati na Yusrefi e taki nanga mi.

Ma MASRA taigi en taki: “Freide! No frede, yu no o dede.”

Ma den Israelitisma ben e du sani baka di no bun ini MASRA ai. Dat' meki MASRA gi den seibi yari langa abra ini a makti fu den Midyanitisma