Popular Bible Verses from Deuteronomium 11

Share

Un mus leri den na den pikin fu unu èn un mus taki nanga den fu en te un sidon ini un oso, te un de na pasi, te un e didon nanga te un e opo.

Un kibri den wortu disi fu mi ini un ati èn un mus libi nanga den. Tai den leki wan marki na un anu èn leki wan banti na un fes'ede.

So efu un arki den gebod bun di mi e leri un tide, fu un lobi MASRA, un Gado, èn fu un dini En nanga un heri ati èn nanga un heri sili, dan A sa meki a alen fadon tapu a yoisti ten gi un kondre. Na a bigin fu a yari nanga na a kba fu a yari, fu un kan feni nyanyan fu a gron: karu, win nanga oli.

Un mus lobi MASRA, un Gado, un mus hori unsrefi ala ten na den sani di A komanderi, na den sani di un mus tan du, na den sani na san un mus tan hori unsrefi nanga na den gebod fu En.

Luku, tide mi hori fluku nanga blesi na un fesi: Un sa si a blesi, efu un du san den gebod fu MASRA, un Gado, e taki di mi e leri un tide. Ma un sa si a fluku, efu un no wan du san den gebod fu MASRA, un Gado, e taki èn efu un kmoto fu a pasi di mi e sori un tide, fu go waka baka tra gado, di un no ben sabi.

Un mus skrifi den na den postu fu den doro fu un oso nanga den bigi doro fu den foto fu unu. Dan un nanga den pikin fu unu sa libi solanga leki heimel sa de na loktu fu grontapu, ini a kondre di MASRA pramisi èn sweri gi den afo fu unu, taki A bo gi den.

Ma un mus luku bun taki un ati no kori unu fu un kmoto tapu a pasi fu go dini tra gado èn fu go boigi gi den.