Popular Bible Verses from Deuteronomium 10

Share

Israel, fu dat'ede MASRA no e aksi noti moro fu unu, dan fu un lespeki MASRA, un Gado. Fu un libi leki fa A wani, fu lobi En, èn fu un dini MASRA, un Gado, nanga un heri ati èn nanga un heri sili, èn fu un hori den gebod fu MASRA nanga den sani di un mus tan du. Dati na den sani di mi e leri unu tide. Dan a sa go bun nanga unu.

Bika MASRA, un Gado, na a Gado fu ala gado nanga Masra fu ala masra. A bigi èn tranga Gado di de fu frede. A no e teki no wan sma prati èn A no e teki sani na sma tu fu kenki en prakseri.

Dat' meki un mus koti a buba fu un ati, dati na fu poti un ati fu du san Gado wani, èn un no mus trangayesi moro.

A sorgu taki den uma di no abi masra moro nanga den pikin di no abi p'pa nanga m'ma moro, kisi den leti. A e gi nyanyan nanga krosi na den doroseisma fu sori den lobi.

Na En un mus prijse. Na En na un Gado, di du bigi sani na un mindri, di un si nanga un eigi ai.

Un mus lespeki MASRA, un Gado. Na En un mus dini, na En sei wawan un mus tan èn na ini En nen un mus sweri.

Arki, heimel na fu MASRA, un Gado. Iya, den moro hei heimel srefi, grontapu nanga ala sani di den na en tapu.

Fu dat'ede un mus sori lobi na doroseisma bika unsrefi ben de doroseisma na ini Egipte.