Popular Bible Verses from Deuteronomium 1

Share

MASRA, a Gado fu unu, e go na un fesi. Na en sa feti a feti gi unu tapu a srefi fasi leki fa un si taki A du ini Egipte nanga ini a sabana. Drape un si fa MASRA, un Gado, ben tyari unu leki fa wan man en tyari en pikin. A tyari unu a heri pasi te leki un doro dyaso.”

Mi winsi taki MASRA, a Gado fu den afo fu unu, sa blesi un leki fa A ben pramisi, èn taki A sa meki un kon ete dusun tron so furu leki san un de now.

“MASRA, a Gado fu unu, taigi wi na a bergi Horeb taki: ‘Un tan langa nofo na a bergi disi.

Luku, Mi poti a kondre disi fu un teki en. So un hari go ini a kondre dan un teki a kondre abra. Na a kondre disi MASRA ben pramisi èn A ben sweri gi den afo fu unu, Abraham, Isak nanga Yakob, taki A bo gi a kondre na den nanga den bakapikin fu den.’ ”

Krutu sondro fu teki a sei fu wan sma. Un sa arki a srefi fasi san a pôtisma e taki, leki fa un e arki a gudusma. Un no mus frede no wan sma bika un e krutu ini a nen fu Gado. Efu a problema bigi tumsi gi unu fu krutu, un mus tyari en kon gi mi meki mi krutu a tori.”