Popular Bible Verses from Mataafa Uumata 50

Share

Ishina keeto wa neeqa ana qara' dikattenema, orrose awwe co piisa akka toota kela paho'e Waaqa a paxaaraati oorshe.

Ma xoori Yoosefi i'ishootta' kide, “In fuuran, hela anan Waaqa?

Amma nefo ishin ka hellaassina'en wa' damtane' daashaay, in fuuran.” Ka haasa fayya ishootta' haaswede ka qaapa kela ishoottan pahe.

‘Yoosefi kida'e, dapa ka juppoota a hellaassin xatta ke qara' koden ishootta' diishe.” Semmalla ino orxaya a Waaqa aappinno, dapa an ke qara' koone akka ino' diisso'en ke naappanninna.” Yoosefi ete sede dakayeeyye, ipooye.

Sekkammaayye Yoosefi ihellaassoti' kide, “Xayyo amma kuyyaatan oppa to'o ifoolsatte. Ma Waaqa akka dukaatan ishin tooyyado in upa. Isha piisse oppa ishin sooksha ka piitase a xasa' kale ka kide, ‘Aprihaami ka Hisaaqi isho Yayqoopi'in daasha,’ oppopa ishin oorsha.

Oto Waaqa ishin tooyyado ka piitoose opa ishin oorinnooyye akka' lafaayyo kuli issi olli qeettane'e, ana' xaxada.” Ka ishootta xaxacciise.

Yoosefi ete para dippa ka kudan pire kammaayye ito'e. Ikka akka aata Kipseeta mina akka in japnini'i, shittootan ropen ka kokshen. Ka saatineeta kara' mukshen ka pora kara pukkada xaaynaan kara' xaayen.