Popular Bible Verses from Ayohana 6

Share

Ayesu akaalobholelanga, “Nenga nga chakulya gwa umomi. Jonijola jwaahobhalela nenga ngaakolela njala ng'o, na jonojwe jwaahobhalela nenga, ngabhona nyota ng'o.

Mboomo jwa Annoongo nga jwampekea mundu umomi, mmele ngakombola kutenda choachela. Malobhe gananlobholilinge nga Mboomo jwa Annoongo na jijileta umomi.

Nkotokuchiangakia chakulya chichibhola, nchiangaikie chakulya chichileta umomi gwa machobha goha. Chenecho nga chakulya chibhatekunpekea Mwana jwa Mundu ligongo Hangwana Annoongo atekunhagula.”

Kwa maana chenjeni nga chibhachipala Atati bhangu, kila mundu jwaalola Mwana na kwahobhalela abhee na umomi gwa machobha goa, nanenga mbakwayoa mu lichobha lya kupela.”

Ayesu akaajangulanga, “Heche nga chibhachipala Annoongo kwahobhalela jonijola jwantumite.”

Bhandu bhoa yakubhee Annoongo apakumbekea bhapakungagula nenga, na mundu joa jola jwapakuhika kwaachangu, ngammenga ng'o

Asimoni Petulo akaajangula, “Mwe Hangwana tupakujaula kwa ganiki? Mwenga nkweti malobhe gagaleta umomi gwa machobha goa.

Nenga nga chakulya chichibhile chimomi chenichela chichibhokite kunani kwa Annoongo. Amundu bhoabhala handa bhalile chakulya chenjeni, apakutama machobha goa. Chakulya chimbakuchibhoa nga mmele gwangu ligongo lya umomi gwa bhandu bhoa bha pachilambo.”

Jwakwa mundu jwaakombola kuhika kwaachangu, handa ngahutwa na Atati jwaandumite, na nenga mbakwayoa lichobha lya kupela.

Kwa kubhee chakulya cha Annoongo nga jonijola jwaatuluka kubhoka kunani kwa Annoongo na kwaapekea umomi bhandu bha pachilambo.”

Nenga nga chakulya cha umomi.

Ngapena Ayesu akaitola mikate jenijela, akaachukulu Annoongo na akaabhaganikianga bhenibhala bhandu bhabhakatamanga pahi. Hela hela akaajopelanga na yeniyela homba, kila mundu akapata handa chibhakapala. Bhandu bhoa pabhakalyenganga na kujukuta, Ayesu akaalobholelanga bhenibhala bhabhachijigananga bhabhe, “Nlokotange mbakatika, choachela chikotokuhobha.”

Bhabhachijigana bhabhe pabhakibha bhajaulinge kubhandikila maili tatu au ncheche, bhakaabhona Ayesu abhikujenda nnani ja machi, abhi kubhandikila na ntumbwi, bhabhajiagananga bhabhe bhakajogopanga muno. Nambo Ayesu akaalobholelanga, “Nkotokujogopanga nga nenga.”