Popular Bible Verses from Roma 5

Share

Manang ya Tyumanem, pangkay makasasalaꞌ kitadun, pigpakitaꞌ nan ya kadakulaꞌ na pagginawa nan magi dun ni pagkamatay ni Kristu adti krus kalyu kanaten.

Aw dun ni kanaten pag-iman, diliꞌ saba kitadun kabullugan. Kay pigpa-edeꞌ da nan kanaten na to-o kitadun nan pigginawa͡an. Pig-atag nan kanaten ya kanan Ispiritu pada matmuꞌ kitadun na kanan pagginawa.

Aw bekeꞌ oloꞌ yeiy, migleya kitadun uman pangkay madég ya pagti-is aw manga kalugan. Kay kya-ede-an tadun na magi sa pagti-is tadun pigpakabagseg kitadun na Tyumanem pada mabatug tadun ya pagtandaꞌ kanaten. Aw kun mabatug tadun ya pagpadeleg pangkay awun pagtandaꞌ, magleya kanaten ya Tyumanem. Aw kun magleya kanaten ya Tyumanem, awun imanen tadun.

Yanagaw, asuntu na pigdawat da kitadun na Tyumanem kasiling na walaꞌ da ya salaꞌ magi sa pagpangintu-u tadun, nyakalikuꞌ da kitadun adti kanan asuntu sa pig-imoꞌ ni Jisu-Kristu na kanaten Matas na Pangulu. Aw magi sa pig-imoꞌ ni Kristu aw sa pagpangintu-u tadun kanan, nyadawat tadun ya grasya na Tyumanem. Yanagaw, migleya kitadun dun ni kanaten pag-iman na makasambuk kitadun kagaya adti kadyawan na Tyumanem.

To-o dakulaꞌ ya pagginawa kanaten na Tyumanem. Sa kenneꞌ na walaꞌ pa ya mabatug tadun sa pagpaluwaꞌ sa pagka-utawun tadun, dun ni allaw na dadan da na Tyumanem pigpamalliꞌ, nyatay si Kristu aw nya-imoꞌ sakanan kalyu kanaten na manga makasasalaꞌ.

Magi sa duguꞌ ni Kristu, pigdawat da kitadun na Tyumanem kasiling na walaꞌ da ya salaꞌ. Yanagaw, to-o naten kya-ede-an na paluwa-en kitadun nan lekat adti kanan pagpa-emel-emel.

Kay asuntu sa sambuk na utaw na si Adan na walaꞌ dalug sa suguꞌ na Tyumanem, nya-imoꞌ makasasalaꞌ ya kadég na utaw. Manang magi uman sa sambuk na utaw na si Jisus na dyumalug sa suguꞌ na Tyumanem, yanagaw dawaten na Tyumanem ya kadég na nyangintu-u kan Jisus kasiling na walaꞌ da ya salaꞌ.

Aw bekeꞌ oloꞌ na maynan, manang magleya uman kitadun asuntu sa pig-imoꞌ na Tyumanem kanaten magi kan Jisu-Kristu na kanaten Matas na Pangulu, kay nyakalikuꞌ da kitadun adti kanan.