Popular Bible Verses from Pigbukasan 16

Share

Pakanyegi mayu ya piglong ni Jisu-Kristu, law nan, “Ya paglikuꞌ ku kasiling na matakaw. Madyaw ya kana utaw na magpakatanaw sa unu ya un dumateng aw dadan da syumut sa kadégkadég nan. Kay ya utaw na walaꞌ pakatagilan, yan ya mamulamula adti asdangan na manga utaw.”

Aw ya ka͡enem na anghil, pig-asag nan dun ni dakulaꞌ na gangaꞌ na tubig na Yupratis ya awun ni seled na kayapung nan. Aw dayaw kyatiyan ya Yupratis pada maka-agi ya manga hariꞌ na lekat adti silatan.

Ya tulu ya malatay na ispiritu yeiy, alag silan busaw, aw nyaka-imoꞌ silan sa manga pangilala magi sa kanilan katulus. Aw nyadtu silan ni manga hariꞌ na migdumala asini kadakulaꞌ na banwa. Kay ya tud nilan, yan ya pagtipun sa madég na manga sundalu na manga hariꞌ pada tanamen nilan ya Tyumanem. Manang dun ni allaw yan degen silan na Tyumanem na migdumala sa kadég.

Aw awun kyinitaꞌ ku na tulu ya malatay na ispiritu na iman mu aw ambak. Lyumuwaꞌ ya sambuk lekat adti bakaꞌ na ulud, aw ya sambuk lekat adti bakaꞌ na tagnaꞌ na ayep, aw ya sambuk uman lekat adti bakaꞌ na kadwa na ayep na yan ya propita na galu-un.

Aw asuntu na nyangkalusu silan, yanagaw pigtullun nilan ya ngalan na Tyumanem, kay yan ya migpadala sa pagamak yeiy adti kanilan. Manang kenneꞌ na walaꞌ silan pagselsel aw walaꞌ silan pagdeyen kanan.

Yanagaw, ya tagnaꞌ na anghil, pig-asag nan adti tas na lupaꞌ ya awun ni seled na kanan kayapung. Aw ya manga utaw na migpamarka sa marka na tagnaꞌ na ayep aw migsimba sa inutaw nan, alag silan dyatengan na madég na paliꞌ na to-o masakit aw matumboꞌ.

Aw pigtipun na manga malatay na ispiritu ya manga hariꞌ adti sambuk na banwa na pigngalanan na Armagédon adti tingeg na Hibriyu.