Popular Bible Verses from Pilipos 4

Share

Diliꞌ magkakamang ya ginawa mayu sa pangkay unu. Manang panawagtawagi mayu baling adti Tyumanem ya kadég yeiy, aw pagsekat kamu sa tabang nan. Aw pasalamati mayu sakanan.

Kun imo-un mayu yeiy, un atag na Tyumanem kamayu ya kalinaw. Aw ya kalinaw na lekat adti kanan diliꞌ tadun mabatug kalabetan, manang yan ya magtameng sa ginawa aw anenganeng mayu kay nyakasambuk da kamu kan Kristu Jisus.

Na, kay manga inulug ku, yan ya gayed mayu anenganenga ya matinaw aw ya diliꞌ pagsala-en aw ya matulid. Anenganenga mayu ya malinis na walaꞌ ya daliꞌ, aw pangkay unu na to-o madyaw, aw ya umbaꞌ sayaꞌ.

Mabatug ku ya kadakulaꞌ magi sa tabang ni Kristu kay yan ya magpakabagseg kanakeꞌ.

Pagleya kamu gayed asuntu na nyakasambuk da kamu kan Jisus. Salutun pa ku uman ya paglong kamayu na pagleya kamu!

Aw un pa nan uman sambaten alag ya kapelekan mayu lekat adti kadég na awun ni kanan asuntu na nyakasambuk da kamu kan Kristu Jisus.

Imo-a mayu ya kadég na pigpalna-u ku kamayu. Aw silingi mayu ya kadég na kyinitaꞌ mayu adi kanak. Aw ya Tyumanem na lyekatan sa kalinaw, gayed awun ni sayid mayu.

Pakadyawa mayu ya kadég na utaw. Kay malapit da ya paglikuꞌ na kanaten Matas na Pangulu na si Jisus.

Pangkay malat aw madyaw, matadeng da aku magdala sa kanak pag-eyaꞌ, pangkay dun ni manga allaw na migkapelek aku aw pangkay uman dun ni manga allaw na migsinobla ya kanak kapelekan. Kay kya-agiyan da ku ya pagkabiyag aw ya pagkagetem.

Ya piglong ku yeiy bekeꞌ na asuntu na migkapelek aku, kay kyanalaman da ku ya pangkay unu na pagpakabetang.