Popular Bible Verses from Hibriyu 1

Share

Dun ni kanan, pagkita-en ya kalalamdag na katulus na Tyumanem. Aw kun unu ya Ama, maynan uman ya Iseꞌ. Aw magi sa katulus na kanan tingeg, ya kadég na pig-imoꞌ nan asini muna, kenneꞌ nan migpadeleg taman adun. Aw awun pa pig-imoꞌ nan pada kalinisan ya manga utaw sa manga salaꞌ nilan, aw tigkas yan nyingkud sakanan adti kalintu na trunu na Tyumanem na awun ni tas na langit.

Asini muna, madég ya manga allaw na miglong ya Tyumanem adti kanaten mangkabaklegay magi sa manga propita nan, aw madég ya pa-agi na paglong nan kanilan. Manang adun na manga kamoliyan na allaw, miglong ya Tyumanem kanaten magi sa kanan Iseꞌ. Kay magi sa kanan Iseꞌ pig-imoꞌ nan ya kadakulaꞌ na banwa, aw yan ya pigpatagtun nan sa kadég.

Yanagaw unu kadiꞌ ya manga anghil? Oloꞌ saba silan manga sugu-anen na Tyumanem. Pangkay kun diliꞌ silan pagkita-en manang pigpadala nan silan pada tumabang sa manga utaw na un paluwa-en na Tyumanem.

Aw awun uman pigpasulat na Tyumanem na maglong adti Iseꞌ nan: “Kay Matas na Pangulu, asini muna pagkalekat, ikaw ya mig-imoꞌ sa kadakulaꞌ na banwa, aw ya langit pig-imoꞌ na kanmu tulluꞌ. Dumateng ya allaw na malagak ya kadég nilan, manang ikaw, kenneꞌ mu awun. Ya kadég nilan alag magkadadan kasiling na kadégkadég na magkalugnas.