Popular Bible Verses from Pigpan-imo' 11

Share

Pagkitaꞌ da nan kan Saulo, pigpa-agad nan adti Antiyokiya. Aw seled na sangka͡umay migsambuk silan sa manga mangintu-uway dun, aw pigpalna-uwan nilan ya to-o madég na utaw na bagu nyangintu-u kan Jisus. Aw ya manga utaw na nyangintu-u kan Kristu dun ni Antiyokiya, silan ya tagnaꞌ na pigngalanan na Kristuwanen.

Pagdateng nan dun ni sayid nilan, kyinitaꞌ nan na pigkallatan na Tyumanem ya manga Héntil aw to-o sakanan migleya. Aw pigpakabagseg nan ya ginawa na kadég nilan na magpadeleg aw matibulluk adti pagpangintu-u kan Jisus pangkay unu pa ya dumateng kanilan. Kay madyaw ya bet ni Bérnabi aw nyatmuꞌ sakanan na Ispiritu Santo aw masalig ya kanan pagpangintu-u kan Jisus. Aw asuntu sa pagpalna-u nan, to-o pa kyadugangan ya kadég na manga utaw na nyangintu-u kan Jisus.

Yanagaw, ya manga utaw na Héntil, kasiling da silan kanaten, kay dun ni pagpangintu-u nilan kan Jisu-Kristu na kanaten Matas na Pangulu, pig-atag uman na Tyumanem kanilan ya Ispiritu nan. Aw kun maynan ya pig-imoꞌ na Tyumanem, singalan aku na makatagen sa palpa nan?” Pagdengeg da na manga mangintu-uway dun ni Jérusalim sa pigdandan ni Pédro, walaꞌ da silan pagdiklamu kanan. To-o nilan baling pigdeyen ya Tyumanem, aw law nilan, “Yan kadiꞌ! Pangkay ya manga utaw na Héntil, pig-atagan uman na Tyumanem na selat na magselsel pada matagtun nilan ya ginawa na walaꞌ ya katigkasan.”