Popular Bible Verses from 1 Juan 2

Share

Diliꞌ mayu pagginawa͡an ya manga asini tas na lupaꞌ na walaꞌ kalimi na Tyumanem. Pangkay singalan utawa ya gyuminawa sa asini tas na lupaꞌ, walaꞌ nan ginawayi ya Ama. Kay ya kadég na asini tas na lupaꞌ, dala ya malatay na pagkaliman na pagka-utawun, aw ya manga magpakabuyu sa mata, aw ya pagpalibantug sa kadég na pigtagtun na utaw, alag yeiy walaꞌ lekat adti Ama manang lekat baling adti manga utaw na asini tas na lupaꞌ.

Aw walaꞌ ya ma-untung adti kadég na pigkaybegan na manga utaw kay alag saba yeiy malanas. Manang ya utaw na dyumalug sa pagkaliman na Tyumanem, awun da ginawa nan na walaꞌ ya katigkasan.

Kun singalan ya maglong, “Nyakasambuk da aku sa Tyumanem,” ka-ilangan nan silingan ya bet ni Jisu-Kristu.

Kamu na pigsiling ku na kanak mangayseꞌ, pigsulatan ta kamu pada diliꞌ kamu magpakasalaꞌ. Manang kun awun makasalaꞌ, awun mag-apitay kanaten adti Ama, aw yeiy si Jisu-Kristu na walaꞌ ya salaꞌ.

Kun awun utaw na maglong “Kyataga͡an ku ya Tyumanem” manang walaꞌ nan daluga ya manga suguꞌ nan, na, galu-un ya utaw yan aw walaꞌ saba ya katinawan dun ni kanan.

Aw kun gayed tadun dalugun ya manga suguꞌ na Tyumanem, dun da tadun ka-ede-i na kyataga͡an tadun sakanan.

Yanagaw pangkay singalan ya miglong na kya-ilawan da ya anenganeng nan na kalalamdag, manang kun pigkalatan nan na ginawa ya eped na mangintu-uway, ya tengteng matinaw, kenneꞌ pa nan dun ni kangitngitan.

Yanagaw singalan ya tengteng galu-un? Ya galu-un, yan ya utaw na miglong na si Jisus bekeꞌ na Kristu. Yeiy saba ya po-on ni Kristu, kay gayed nan pagbalyaw ya Ama aw ya Iseꞌ.

Aw pangkay singalan ya migbalyaw sa Iseꞌ walaꞌ pakasambuk adti Ama. Manang ya utaw na maglong na si Jisus ya Iseꞌ na Tyumanem, nyakasambuk da sakanan adti Ama.