Popular Bible Verses from Roma 7

Share

Iaku kusukuru i Aulataʼala alaloi Isa Al Masi Oputa Momalanga! Jadi iaku kulaiani hukumuna Aulataʼala tangkanamo tee akalana budiku, sainamo kamaanusiaku alaiani kapeeluna hukumuna dosa.

Roonamo kumataua ande i nuncana karoku modhadhina moosena kapeeluana dunia sii, inda dhaangia momalapena. Sababuna dhaangia tee kapeeluku to kupewau giu momalape, maka o giu incia sumai inda amembali kupewaua.

Roonamo iaku inda kupewau giu momalape mboomo kapeeluaku, maka kupewau giu momadhaki inda ipeeluku karoku.

Sabutuna ande kupewau opea inda ipeeluku, sumaimo mencuana iaku mopewaua, maka o dosa modhaangiana i nuncana karoku mopewaua.

Jadi mboomo sii o kaadharina hukumu ipotibhaakaku: Moomini gauku kupewau giu momalape, maka modhaangiana i karoku tangkanamo giu momadhaki! Roonamo baatiniku amaasiaka hukumuna Aulataʼala

Ande kupewau giu inda ipeeluku karoku, maʼanana iaku kuʼakuia ande o Hukumuna Taurati sumai abanara.