Popular Bible Verses from Roma 5

Share

Maka o Aulataʼala mangasusuaka kaasina wakutuuna Al Masi mangamateaka tee o kadhaangiata dhaangiapo takodosa.

Tee o kaharapu incia sumai inda bheamaidhiidhiakea incata, roonamo kaasina Aulataʼala sumai padhamo aantokia i nuncana ngangarandata alaloi Rohina Aulataʼala mopadhana irahumatiakana to ingkita.

Mencuana soo incia sumai! Ingkita uka bhetabangga i nuncana kanarakaa, roonamo tamataua ande o kanarakaa sumai aumbaaka kasabara. Sapadhana incia sumai, kasabara aumbaaka katangkana inca, tee o katangkana inca aumbaaka kaharapu.

Ingkita tatoabhi tabanara i aroana Aulataʼala roonamo kaparacaeata tee Isa, sumaimo ingkita tadhadhi tapomalape tee Aulataʼala alaloi Isa Al Masi Oputa Momalanga. Rampaakanamo taparacaea tee Isa, sumaimo Incia mangadhawuaka rahumatina Aulataʼala, tee o rahumatimo incia sumai idhadhiakata sii-sii. Tee uka tabangga roonamo kaharaputa bheimembaliakata bhetapotibhaaka kamuliangina Aulataʼala.

Wakutuuna inda tee kakaata, Isa Al Masi mangamateaka i wakutuu mopadhana itantuakana Aulataʼala, garaaka ingkita manga mia mokodosa.

Sii-sii o Aulataʼala mangaabhimo tabanara alaloi raana Al Masi; rampaakanamo sumai o Isa dhaanamo mangapasalaamati uka minaaka i pamuruna Aulataʼala.

Roonamo apokana mboomo kadorohakana samia maanusia imembaliakana mia bhari akodosa, mboomo uka tee kataʼatina samia maanusia imembaliakana mia bhari amembali atopabanara.

Mencuana soo incia sumai! Maka ingkita uka amembali tabangga roonamo kalapena Aulataʼala alaloi Isa Al Masi Oputa Momalanga, roonamo Incia imembaliakata tapomalape pendua tee Aulataʼala.