Popular Bible Verses from Roma 11

Share

Roonamo bhari-bharia giu aminaaka i Aulataʼala, alaloi Aulataʼala, kasiimpo to Aulataʼala, tee tangkanamo to Aulataʼala o kamuliangi saʼumurua! Aamin.

Amaoge mpuu o rahumatina, hikimatina, tee katauna Aulataʼala to bhari-bharia mia! Inda dhaangia momembalina momatauna manga kambotuna tee inda dhaangia uka momatauna tuaapa o carana Incia aʼatoro bhari-bharia giu.

"Incema buaka o mia momembalina momatauna fikirina Kawasana Opu? Tee incema o mia momembalina monaasehatina Kawasana Opu?

Mboomo uka sii-sii, dhaangia sagaa o mia mopadhana ipilina Aulataʼala to amembali uumatina rampaakanamo rahumatina. Roonamo ande manga incia apilia Aulataʼala rampaakanamo rahumatina, giu ipilina sumai mencuana rampaakanamo kalapena pewauna, roonamo ande rampaakanamo pewauna, sumaimo rahumatina Aulataʼala mencuanamo uka rahumati mototuu-totuuna.

Maka ande dhaangia pia raha motokatukina minaaka i puuna zaitun sumai, tee ingkomiu o mia inda motolentuna miana Yahudi umembali mboomo tunana puuna kau motuwuakana karona i sambalina inawu, tee apamembalikomiu raha motocangko to mobholosiakana raha ikatuki minaaka i puuna zaitun motopombulana i saao, sumaimo ingkomiu bheupokawaaka sagaa uka minaaka i kulesena puuna zaitun mosuburu sumai. Rampaakanamo sumai bholi ubangga tee upandaʼente manga raha motokana, siitumo manga miana Yahudi. Maka ande upandaʼentea, ingkomiu tabeana uudhania ande mencuana ingkomiu motukona kulese sumai, maka o kulese motukokomiu.