Popular Bible Verses from Zaburu 91

Share

bheapogau i KAWASANA OPU, "Ingkoomo o tampana peulusaku tee o bentena potaangiaku; Aulataʼalaku, iparacaeaku."

Mia modhadhina i nuncana kajaganina Aulataʼala Momalanga, bheamboore i nuncana peulusana Kawasana Opu Mokokuasa

Wakutuuna incia agoraakaaku, siitumo Iaku bhekulawania; Iaku bhekupobhawa tee incia i nuncana kaseke, tee bhekupasalaamatia tee kumuliangia.

Roonamo Incia bheatumpu manga malaaʼekatina to apobhawa tee ingkoo, mamudhaakana ajaganiko iapaipo uka o lingkaamu.

Incia bheasalibumbungiakako tee panina, tee ingkoo bheuʼamani i nuncana peulusana. Incia atoparacaea tee bheamembali katangkesi tee bentemu.

Roonamo KAWASANA OPU upamembalia tampana peulusamu, tee Aulataʼala Momalanga upamembalia mbooresamu, siitumo ingkoo inda bheucilaka, tee balaa bheamaridho minaaka i bhanuamu.

Incia bhemorambasakako minaaka i katapu, tee minaaka i panyaki imateaka.

Moomini sarewu mia amate i saripimu, tee sapulu rewu mia amate i weta i kaanamu, maka ingkoo inda bheucilaka.

Ingkoo inda bheumaeka tee balaa moumbana i wakutuu malo, atawa o kahumbuni inda inamu-namu moumbana i wakutuu eo. Ingkoo inda bheumaeaka tee panyaki imateaka moumbana i nuncana kalalanda, atawa tee kalelei ibinasaaka moumbana i wakutuu pontanga eo.