Popular Bible Verses from Zaburu 119

Share

Firimanimu mboomo kanturu mosuluwina bhengkalaku, tee mopekainawana dhalaku.

Firimanimu kudhikaia i nuncana ngangarandaku mamudhaakana inda kukodosa tee Ingkoo.

Tee opea o mia mangura ajagani pemingkuina mamudhaakana sadhaadhaa amangkilo? Ajagania alaloi pemingkuina apokana tee firimanimu.

Amasanaamo mia moosena manga tuturana, mopeeloa tee mpuu-mpuuna incana

Ingkoomo tampana peulusaku tee katangkesi mojaganiaku; iaku kuharapu i firimanimu.

Pamembaliaku kumaʼanaia hukumumu mamudhaakana kutaʼatia, tee kukeniakea pekatangka tee mpuu-mpuuna incaku.

Pamembalia o ngangarandaku to aose manga tuturamu, mencuana kupeelo laba.

Amalape uka to iaku ande kutopisaki mamudhaakana kumembali kupengkaadhariaka manga katotapumu.

Siimo mohiburuaku i nuncana kanarakaaku ande o janjimu sumai mopadhadhiaku.

Tondaakumo mamudhaakana kudhadhi kuose manga parintamu, roonamo giumo incia sumai ipeeluku.

E KAWASANA OPU, adhariakaaku manga katotapumu sumaimo bhekuosea sakawana kumate.

Inyawaku atangi roonamo kaporona inca, pekatangkaaku apokana mboomo firimanimu.

Tapanamo kumaasiakea o hukumumu! Iaku kufikiria mpuu-mpuu saeoa.