Popular Bible Verses from 1 Yahya 5

Share

Rampaakanamo sumai ingkita tabarani taemani i Aulataʼala, roonamo tayaakini ande ingkita taemani opeapo uka i Incia mboomo opea ipeeluna, tantumo Incia mangarango.

Roonamo ingkita tamataua, ande Incia aperangoi opea iemanita, sumaimo tamataua uka, ande ingkita padhamo tapotibhaaka bhari-bharia giu mopadhana iemanita i Incia.

Roonamo tamaasiaka Aulataʼala o maʼanana ingkita tataʼati manga parintana tee ingkita inda tanamisia amatamo manga parintana sumai, roonamo bhari-bharia mia motarimana dhadhi mobhaau minaaka i Aulataʼala adhawuakea kuasa to apekatalo manga giu madhaki i dunia sii. Tee kakaa mopamembalina ingkita takana minaaka i manga giu madhaki i dunia sii, siitumo iimanita tee Isa.

Mia motarimana Ana moumbana minaaka i Aulataʼala, incia atarima dhadhi, tee o mia inda motarimana Anana Aulataʼala inda atarima dhadhi.

Iaku kuburi giu incia sii to ingkomiu moparacaeana tee sarona o Anana Aulataʼala mamudhaakana ingkomiu umataua ande ingkomiu utarima dhadhi mobakaa.

Ingkita tamataua ande o mia motarimana dhadhi bhaau minaaka i Aulataʼala inda atorotorosu apewau dosa, roonamo Anana Aulataʼala mojagania. Tee mboo sumai Ibilisi inda bheapewau kadhaki tee incia.