Popular Bible Verses from Mafulûlo 11

Share

Okubundi Malahika wa kali-nda abûha omu mushekera; emalunga yabà ecihôgêro c’amazù manênênè, gakaz’iderha, mpu: «Obwâmi bw’igulu bukola buli bwa Nnawîrhu bwoshi na Kristu wâge, anakolaga arhegeka omu myâka n’emyâka!»

Amashanja gàli gakunîre, ci obukunizi bwâwe bwayisha nabwo, n’amango abafîre batwîrwamwo olubanja nago gàyisha, n’aga wahembamwo bambali bâwe, abalêbi, n’abatagatîfu n’abarhînya izîno lyâwe, abarho n’abakulu, n’aga waherêrekezamwo balya basherêza igulu».

Nkolaga nahà abahamîrizi bâni bombi obuhashe, bashinge nsiku cihumbi na magana abiri na nsiku makumi gali-ndarhu balêba banacîhundikîre emibalabala».

Ci erhi zirya nsiku isharhu n’ecihimbi zigera, Nyamuzinda abahiramwo omûka gw’obuzîne; banaciyîmanga, n’abakâg’ikabasinza barhungwa n’obwôba.

Bagwêrhe obuhashe bw’okusîka amalunga, enkuba erhag’irhoga omu nsiku z’obulêbi bwâbo; n’oku mîshi bagwêrhe obuhashe bw’okugahindula gashube mukò, n’obw’okubabaza igulu nk’oku banalonzize.

Abo bahamîrizi yo erya mizêti ibiri na birya bimole bibiri biyimanzire embere za Nn’igulu. Hakajira owaderha mpu abahumekwo, omuliro gunabarhenge ekanwa, gumakûze abadwîrhe obushombanyi; n’owankaderha mpu abahirekwo olûnu, naye ntyo kwo akwânîne afè.