Popular Bible Verses from Abanyaroma 3

Share

Koko bose bakoze ibyaha, ntibagera ku kigero cy'ikuzo ry'Imana. Ariko none Imana yabahereye ubuntu kuba intungane imbere yayo, babikesha gucungurwa na Kristo Yezu.

Ibagira intungane babikesha kwemera Yezu Kristo. Ibigirira abamwizera bose nta kurobanura.

Ni we Imana yagennye ngo abere abantu icyiru ku bw'amaraso yabameneye babikesha kumwizera. Kwari ukwerekana ubutabera bwayo igihe yihanganiraga abantu, ntibahanire ibyaha bari barakoze mbere. No muri iki gihe yerekanye ubutabera bwayo, kugira ngo itaretse kuba intabera, igire intungane umuntu wese wizera Yezu.

Ngiyo impamvu nta muntu n'umwe uba intungane imbere y'Imana, yitwaje ko akurikiza amategeko yayo. Icyo Amategeko abereyeho ni ukumenyesha umuntu ko yacumuye.

Ni na ko Ibyanditswe bivuga ngo: “Nta muntu n'umwe w'intungane ubaho, nta n'umwe usobanukiwe, nta n'umwe wambaza Imana. Bose bayiteshutseho, bose uko bangana ni imburamumaro, ntawe ukora ibikwiye, habe n'umwe!”

Koko rero dusanga umuntu agirwa intungane imbere y'Imana kuko yizera Kristo, bidaturutse ku gukora ibitegekwa n'Amategeko.

Ibyo ntibikanavugwe! Ni ngombwa kumenya ko Imana ari inyakuri, naho umuntu wese yaba umubeshyi. Ni na ko Ibyanditswe bivuga ngo: “Ibyo uvuga bifite ishingiro, washyirwa mu rubanza watsinda.”