Popular Bible Verses from Ezayi 60

Share

Yeruzalemu, haguruka urabagirane kuko umucyo ukuziye, ikuzo ry'Uhoraho rirakumurikiye.

Amahanga azakugana uyamurikire, abami bayo bazakugana bibonere umucyo wawe.

Dore umwijima utwikiriye isi, icuraburindi ritwikiriye amahanga, nyamara wowe Uhoraho arakumurikiye, ikuzo rye rirakugaragaraho.

Umuto muri mwe azakomokwaho n'abantu igihumbi, umuto cyane azakomokwaho n'ubwoko bukomeye. Ni jye Uhoraho uzabyihutisha igihe nikigera.

Ntuzongera gukenera izuba kugira ngo rikumurikire, ntuzongera gukenera urumuri rw'ukwezi. Ahubwo Uhoraho azakubera urumuri rudashira, Imana yawe izakubera ikuzo.

Izuba rikumurikira ntirizongera kurenga, ukwezi kwawe ntikuzongera kwijima. Uhoraho azakumurikira iteka ryose, ntuzongera kugira agahinda.

Uzabireba maze unezerwe, uzasābwa n'ibyishimo, umutungo wo hakurya y'inyanja uzaba uwawe, ubutunzi bw'amahanga buzakwegurirwa.

Ubura amaso witegereze impande zose, abantu bawe bakoranye baje bagusanga, abahungu bawe baje baturuka iyo bigwa, abakobwa bawe barahagatiwe.

Abantu bawe bose bazaba intungane, bazaragwa igihugu iteka ryose. Bameze nk'imishibu y'ibihingwa byanjye, ni ibiremwa byanjye byagenewe kwamamaza ikuzo ryanjye.

Urugomo ntiruzongera kubaho mu gihugu cyawe, ubwangizi n'uburimbuzi ntibizarangwa ku mipaka yawe, inkuta zawe uzazita “Agakiza”, amarembo yawe uzayita “Igisingizo”.

Amarembo yawe azahora yuguruye, ntazugarirwa na rimwe ku manywa cyangwa nijoro, bityo abakuzaniye ubutunzi bw'amahanga bazinjira, bazinjira bakurikiranye n'abami babo.

Amashyo y'ingamiya azakwira mu gihugu cyawe, amatungo aheka imitwaro azaturuka i Midiyani na Efa, Ab'i Sheba bose bazakuzanira izahabu n'imibavu, bazaza basingiza Uhoraho.

Uhoraho arabwira Yeruzalemu ati: “Abanyamahanga bazubaka bundi bushya inkuta zawe, abami babo bazakuyoboka. Narakurakariye ndaguhana, nyamara kubera ubuntu bwanjye nzakugirira imbabazi.

Nyamara wari waratereranywe nta wukikugenderera, none ubu ngiye kuguha ikuzo rihoraho, uzagira ibyishimo iteka ryose.

Abanyamahanga bazakuzanira ibyokurya, abami babo bazaguha ibyokurya byiza, bityo uzamenya ko ndi Uhoraho Umukiza wawe, uzamenya ko ndi Umucunguzi wawe Nyir'ububasha wa Yakobo.