Popular Bible Verses from Ezayi 59

Share

Ahubwo ni ibicumuro byanyu byabatandukanyije n'Imana yanyu, ni ibyaha byanyu byatumye itabitaho, ni byo byatumye itabumva.

Ntimwibwire ko Uhoraho ari umunyantegenke, ntimwibwire ko atabasha kubakiza, ntimwibwire ko yazibye amatwi ngo atumva

Uhoraho aravuga ati: “Nzagirana Isezerano namwe: Mwuka wanjye azabazaho, nzabaha ubutumwa muzavuga iteka ryose. Muzabuhorana mwebwe ubwanyu n'abana banyu n'abuzukuru banyu.” Uko ni ko Uhoraho avuze.

Kuva iburengerazuba abantu bazubaha Uhoraho, kuva iburasirazuba bazamuhesha ikuzo. Koko azaza nk'umugezi wasendereye, azaza nk'inkubi y'umuyaga.

Azazanwa no gucungura Siyoni, azaza gucungura abakomoka kuri Yakobo bihannye ibicumuro byabo. Uko ni ko Uhoraho avuze.