Popular Bible Verses from 1 Pita 3

Share

Goto mu valavatia pa bulomiu sa na Karisito na Bangara. Beto mu vatana doru totoso ko mu oe muleria sira na tinoni mai nanasanigou na veveina na miu vinasosoto sa kole pa bulomiu. Ba tonai mu oeria poni sa mu roitinia pana pangaga beto pana uana viketai beto pana monana jongana, ko tonai mai aja vagogoregou beto mai poja vivikeria sa na miu uana jongana vei qu tutia na Karisito sagou, sa kode mai tavakea mekadi sira.

Ura na Bangara sa doro kopuniria sira na tinoni tuvisi beto sa vainongoroniria sa na dia vavara, goto ira na tinoni qai roitinia nikerena sa sake tavaraguaniria,>> sau.

Muke sari vababata jonganaria gu na sakasava vevei na vivinyulu vurungu, na papaku teteri qolo beto na poko sasari sa na peguru tinimiu. Goto na miu uana tu sa koko lame vei pana bulomiu sa mu sarinia na sakasava qaike nyabo vivikere vevei na uana nake tuara beto na uana bubule. Na sari vevei tu pira sa sa doro poreveveina pana tana Tamasa.

Inara tu mu toa vei sagou, ura pira sa tei paranga vei tu sa na Kukuti Tabuna, <<Na tinoni sa nyorogua tekua na toa qeqera beto sa nyorogua kamuria na rane jongadi sa mi noso poja vivikereria sira na tinoni beto mike vavakatoniria sa na vavakato sesekedi. Mi noso roitinia na roiti ikikerena ko mi roitinia na roiti jongana. Mi nyoroguania tu beto mi nyaqo vivitigia tu isa sa na toa bule.

Na qua vavanau bebetona sapi. Mu mekarai suvere kame pana uana jongana pana toa, mu mekarai kame pana roroquna na goto tinoni, mu mekarai vairoqu vei na tamatasi tana Karisito, mu mekarai isongia na bulo vairoqu, beto mu vaikete mulenigou pana tadira na tinoni. Muke vamule bei vaniria na ikerena sira qai roiti lamenia na ikerena pana tamugou, beto muke gonaniria na parange ikeredi sira qai gonanigou na paranga ikeredi. Goto mu tepa vaniria tu na mana ura na mana tu sa sa kukunigou na Tamasa ko muna teku isongia agou.

I sei sa mina boka ngangangulugou agou tonai muna ngangalinia na roiti jongana? Bi mija tu kame!

Mi noso roitinia na roiti ikikerena ko mi roitinia na roiti jongana. Mi nyoroguania tu beto mi nyaqo vivitigia tu isa sa na toa bule.

Ura vei mina ona nyorogua tugu na Tamasa sa muna gosoro tapata sagou, poni sa sa jongana jola sa muna gosoro taleni tapata sa na roiti jongana. Isa tu sa sa jongana jolania vei bu gosoro taleni tapata sira na roiti ikeredi.