Popular Bible Verses from رِسالَة إلَیٰ کولوسیین 2

Share

چا مِثِل ما قِبَلتُوا الْمَسیح عیسیٰ الرَّب، عیشُوا بیه: ثَبتوا بیه عِرِجکُم وَ إنْبِنوا، وَ مِثِل ما تِعَلِمتوا، کونوا راسِخین بي الْإیمان وَ کونوا فایضین مِن الْشُکُر.

کونوا واعین أحَد لا یِأسِّرکم بي فَلسفه وَ بي خِدَع فاضي، إلْلي ماهِن ثابتات بي الْمَسیح، بَل ثابتات عَلَیٰ سُنَن الْبَشَر وَ أصول أبتِدائیَة هِل دِنیا.

ذاک الْزَمان إلْلي چِنتُوا مَیتین بي الْذُنوب وَ چِنتُوا بي وَضُع إلْلي مو إمْطَهّرین جِسِمکُم، الْإلَه إستَحیاکُم مَعَ الْمَسیح وَ هُوَّ غُفَر کِل ذَنوبنا وَ ذاک سَنَد الْدَیّون إلْلي بي قَوانینه چان مَکتوب وَ چان موگُف ضِدنا، بَطَّله وَ مَحَیٰ وَ طِگّه مِسمار عَلَیٰ الْصَلیب.

لِأن الْألوهیَّه بي کِل کَمالها ساکنَه بي شِکِل جَسماني بي الْمَسیح، وَ أنتُم فُضتوا مِن الْکَمال بي الْمَسیح إلْلي إیکون رَأس لِکِل الْریاسه وَ الْقُدرات.

چا لا تْخَلون أحَد یِحکُمکُم عَلَیٰ شي إلْلي تَأکلونه لو تِشُربونه، لُو عَلَیٰ الْأعیاد وَ الْهِلال وَ یُوم الْشَبّات. هِذِن چانِن بِس أضلال أمُور الْمُستَقبل، أمَّن أصُلهن مِتعَلِّق لِلْمَسیح.