Popular Bible Verses from Uamusi 6

Share

Ntumi jukunani waka Bambu Sapanga ampitila Gidioni nukumpwagi, “Bambu Sapanga jubii pamu na wehapa, we gubii na makili na wanga kujogopa.”

Ndienu, Bambu Sapanga ang'anambukia nukumpwagi, “Jenda ku uwesu gogubii naku wakaagombula Aizilaeli kuhuma kwa Amidiani. Boo, nga nepani lee ndi nenugutuma.”

Bambu Sapanga ampwagila, “Nagujangatiya wehapa na wehapa waakoma Amidiani ngati gunkoma mundu jumu.”

Gidioni ampwagila, “Waa Bambu wangu ana Bambu Sapanga jubii pamu na twepani ndaba jaki majambu goti gani gatei kutupata? Gabii kwaa mahengu gaki makolongu gabutulandila akahoku bito koni bakapwaga, ‘Bambu Sapanga ndi jojutupia ku nndema uku Misili.’ Lakini henu Bambu Sapanga jaaleka Amidiani butung'alisa!”

Gidioni anzibua, “Pepa koku Bambu, niiwesa boo kujigombo Izilaele? Lukolu lwangu ndi ngaselubii nu uwesu na makili mu likabila laka Manase na namweti nu nsoku ngani mu kilongu situ!”

Ntumi jukunani waka Bambu Sapanga jwajenda nukutama pai ju nkongu nkolongu gobukema nhaloni guka Yoashi gogubii pambipi nuku Ofula, mundu ju lukolu lwa Abiezeli. Kipindi sehesi Gidioni mwana waka Yoashi jwabia jupeta inganu nkati ji libomba pandu paaminyi zabibu ili Amidiani baammbona.

Gidioni ansengila Bambu Sapanga pandu pukupiiki matambiku nu kupakema, “Bambu Sapanga ndi Lukwali lwangu.” Pandu pukupiiki matambiku haga ku Ofula, musi ulukolu lwaka Abiezeli mbaka lelenu.

Gidioni ampwagila, “Nala ana gutei kunhagu nangia nginyuli ili manya wehapa ndi wegulongi nanepani.

Lakini Bambu Sapanga ampwagila, “Gubia pe nu lukwali wiijogopa nga wiikuwe.”

Aizilaeli bahenga kabee kihakau palongi jaka Bambu Sapanga, najombi Bambu Sapanga jwaawesisa Amidiani jwaawesa kwi kipindi sa yaka saba.