Popular Bible Verses from Kukomboka 10

Share

“Henu, Aizalaeli Bambu Sapanga, Sapanga winu jupala kike kwinu mwanganya, ila pe kundumbali Bambu Sapanga, Sapanga winu nukujipwata indela jaki nu kumpala nu kutumakila Bambu Sapanga, Sapanga winu, kwa mioju jinu joti na kwa loho yinu yoti, nu kujikamu mihilu na malagalaki gaka Bambu Sapanga ganumbeke lelenu, ili majambu gii gunnzendila sapi?

Ndaba Bambu Sapanga, Sapanga winu, ndi Sapanga jwi isapanga na Bambu wa aka bambu jwombi ndi Sapanga nkolongu, na jojujogopeka, ngasejupendale wala ngasejujopa lushwa.

Henu, kutumbuli lelenu munzowania Bambu Sapanga, wala mwiikuba ni ing'omu kabee.

Jwaakengale bandu banga na atati wala amabu na akambomba baawii akaalomi babu, na kwaapeke posu ni ingobu.

Jombi ndi jompalika kunndumbali, ndi Sapanga winu jojunhengi majambu makolongu haga na gukutisa gamugabona kwa mihu ginu mwabete.

Mundumbalia Bambu Sapanga, Sapanga winu, muntumakia kajika jaki nukujongana naku nu nndapa kwi lihina laki.

Linga kunani hata kunani ju kunani ngani ndi mali gaki Bambu Sapanga, Sapanga winu, nndema na hindu yoti yeibii homu ndi mali gaki.

Mwaapala ageni ndaba mwanganya nanamu mwabii mwa ageni ku nndema uku Misili.