Popular Bible Verses from 2 Kọrịntịapụ 1

Share

Túminí fịnị Tamuno ma pịrịị na pịghị wámịna Nyánáḅọ Jizọs Krais Daḅọ, lolomakúkúbie nyáná Daḅọ, biedịịnma mamgba sághị ḅara ḅoarị Tamuno, biedịịnma pa wa pịrịarịḅọ wámịna ḅụḅáláḅálá mamgba ḅụ, wamịnị sọ pịghị ine tọ́rụ́kịrịkị́rị́ ḅụḅáláḅálá bie fịnịapụ bie diinma bẹ ḅara, wa Tamuno ḅara nyáná ḅo biedịịnma ḅụ ḅọ́rọ́.

Wa diekiri nyáná ḅara ma Krais mánámāná tọ́rụ́siarị ḅụ, anị ḅara ma anị wa pịghị Krais ḅụ ḅọ́rọ́, diekiri nyána ḅara Tamuno opu biedịịnma ḅụ.

Anị wa ḅụ fịnị ḅara anị n fịị ḅẹ́rẹ́pẹ́lẹ́ pịrịapụ nna sịbị ọ́gọ́nọ. Mịma go kiriakịnyẹ ọ́ wa wámịna ḅụ tẹ́mẹ́kụ́rọ nyánábịgha ḅara, kụ́ma Tamuno ḅụ ori ngéré fịịapụ sághịmaarịḅọ.

Wamịnị na ọ́ nana miẹgbolomaarịḅọ anịị Tamuno ori ma anị pịghị pulo pa wa sịbị saramaá ḅọ. Ori anịị ọrẹ ilíghíma suamaá ḅọ wámịna ḅụ, pịghị Tọ́ntọ́ Tẹ́mẹ́ ma pa wa pịrịmaá ḅo wámịna tẹ́mẹ́bie, mịma anị ọ pa wa tẹ́mẹ́kụ́rọma ọ nyáná kóróma wa pịrịnyẹ.

Wa ḅọ́rọ́ tọ́rụ́siarịrị, anịị ọmịna biedịịnma pịghị ọmịna dụaḅọ́rọ́ma, wa ḅọ́rọ́ biedịịnma nyáná nyáná, ọmịnị sọ biedịịnma nyanam n pịghị mgịrịma ịnyọ ma pa ọ pịrịm sị ọmịnị sọ ine wamịnị arịarị tọ́rụ́siarị ma daa bẹ ḅara.