Popular Bible Verses from 1 Pita 4

Share

Nyẹ mamgba nẹ́ngị nyẹ, ọmịnị ibiḅara pa jụghọ jụghọ ḅẹlẹma, tegó, ḅẹlẹma tọgha siinyẹ gbẹgbẹm gosi.

Ọ́rụ́ḅọ ọ́rụ́ḅọ, n ḅo nyáná ḅo dienyẹ ma pa fịrịnwangị jụghọ jụghọ pịrị, ibi fịrịnwangịapụ ḅara ine Tamuno ma pa n pịrị tọ́rụ́kịrịkị́rị́ dienyẹ pa ibiḅara pa fịrịnwangịarịḅọ.

Ẹ́gẹ́rẹ́ dugho wásaámaarịḅọ gonyẹ́ gonyẹ́ Tamuno ẹ́gẹ́rẹ́ ma dugho wásámáa, fịrịnwangịapụ Tamuno pa n pịrị ịnyọ mamgba pa fịrịnwangị, sị nyẹ́ gonyẹ́ gonyẹ́ ḅụ túmíní fịnị Tamuno pịrịbẹ ḅara Jizọs Krais ḅụ ḅọ́rọ́. Ipine na kụ́rọ na fịnị pịrịḅọ mú ḅẹsá ḅẹsá la. Anị ọkọ fịnị.

I ḅọ́rọ́ tọ́rụ́siarị ịrị Krais asọduaḅọ gosi, anịị ị ḅụgịrịmama, kụ́ma boma pa Tamuno pịrị ḅẹ́, ị Krais ẹ́rẹ́ ma dighiarị.

Nyẹ́ gonyẹ́ gonyẹ́ kunema kikiamam, anịgosi ọmịnị ọmịna ḅụ ọlọbẹm, ọ pịghị tọ́rụ́ findiwarịbẹm sị ọmịnị ine tẹ́ghẹ̄ bẹ ḅara.

Ị́yẹ́ ibi nangwọapụ, anị ọ tọ́rụ́ nẹ́ngimama ọmịnị árịarị oju akụ ma daádighi ma, soḅọ́rọ́ jẹ́ kịrịnyẹ ọmịna ḅụ págháarị. Tụ́ma o bieḅẹlẹ ḅẹ́ ọmịnị sọ diekiri nyánam Krais tọ́rụ́siarị ma ḅụ, sị ori ipine anị ḅụ diepágháma bẹ sa, ọmịnị so opuma bieḅẹlẹ bẹ ḅara.

Ọmịnị ọmịna ḅụ́pọ́ findi jụghọ jụghọ pịrị gunugunugha pa.

Anịgo tọ́rụ́siarịarịapụ ḅẹ́ anịị Tamuno tọ́ọ warị n pịrị ḅara, nnị nna ibiamịẹnyẹ ḅụ ḅọ́rọ́, n ḅụ saghị nna Tẹ́mẹ́ḅọ ḅarabie sua, ori sámámgba ọrẹ minini nyẹ warịarị ḅọ.

Krais ojumẹnị ḅụ tọ́rụ́siarị ḅara, ọmịnị so ọmịna ḅụ mịẹ karakáráma warị anị gbẹ́rẹ́ ḅara ma, tegó ojumẹnị ma pa tọ́rụ́siarịmáa ḅo sii mịnị n ḅọ ḅụ kụrọ nyanagha. Ḅẹ́ mị́sa saghị bịpịmú, ọmịnị ọmịna duma kọnyẹ́ ma kọọ tuminikiri Tamuno tọ ḅara, mịnị duma kọma tuminikiriapụ sii duma kọarị ḅara.

Bieḅẹlẹ ọmịnị a nyẹ, n ḅọ́rọ́ ọ dughosima ḅẹ́ ọmịnị Krais asọduaapụ ẹrẹ́sị, mịma dughoarị ḅẹ́ ipine Tẹ́mẹ́ ma anịị Tamuno Tẹ́mẹ́ ma ọmịna ḅụbie ngáarị.