Popular Bible Verses from 1 Pita 3

Share

Kụ́ma ọmịna tẹ́mẹ́bie, ọ susi Krais pịrị, pịghị kuu pa ọ pịrị Kị́nị́nyánáḅọ ḅara, sámámgba, ọ tẹ́lẹ́ma ọmịnị ine n ḅo pagharaa bẹ ḅara, o gbíla ḅo ḅẹ́ o dughofindi ọmịna bie ọ nyáná tọ́rụ́ dighinyẹ. O diin ḅara na osigha ḅara pa anị mịẹ, ọmịnị ọmịna tẹ́mẹ́bie mịẹ fiafiama, sị sii ẹ́rẹ pa ọsịarịapụ ọmịna ibi duma Krais bie mịẹbẹm nna ḅụ́gịrịrị n kọọarị si ẹ́gẹ́rẹ́ go.

Tegó Kị́nị́nyánáḅọ tọ́rụ́ karakárá ibiamịẹnyẹapụ ma didighiarị, ọ pịghị nna tẹ́ghẹ̄ ma nanaam. Kụ́ma siiamịẹnyẹapụ ori ọḅụ pa mgbigbim.

Ọmịnị oju birima nyẹ pa ọmịna ḅụ birimama pa die ḅẹ́ ọ fiafiam, anịị ọ sịbị mịẹḅara, sua ḅụ́birimaarị odoḅala, na pịghị o suaarị bịtẹ. Anịmanakaragha ọmịna ibi anị ḅụ die ọmịna kúkúbie fịnị ḅára, tumḅọ tọ́rụ pa arịgha nyẹ, sịrịfa faghaa ibii, ḅụ́sitéréma na diin tẹ́mẹ́ ḅụ saghị ḅo nyẹ anịị Tamuno tórúku nyẹ́la ḅa nyẹ.

Tọ́ndiri ma dugho ḅara bẹ: Duma ḅẹ́lẹ árị dọghụḅọ gonyẹ́ gonyẹ́ sị pịghị tuminikiri ibi sa arị́, nḅọ ḅẹlẹ ọlọ sị ẹ́gẹ́rẹ́ ḅụ pịghị epele ti ḅụ. Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.

A kunemaarị: ọmịnị kị́nị́mamgba gbẹ́rẹ́ tẹ́mẹ́ nyáná, ḅụnjịrị nyáná, jụghọ jụghọ ḅẹlẹma mịnaapụ ḅara, ọmịnị ibiamịẹnyẹ nyáná pịghị ḅụ siterema jụghọ jụghọ pịrị. Ọ mịnị siinyẹ pa siinyẹ gbẹ́ẹ̄ ma anịgha wirinumo pa wirinumo gbẹ́ẹ̄, anịmanakaragha ọ karịibima pa o wiriapụ gbẹ́ẹ̄. Tegó Tamuno ma osị sa boma anị o minini ọ pịrịnyẹ.

Tụọ nyẹ pa ọ lama bẹ, o ḅọ́rọ́ ibinyẹ ma mịẹ dọghụ?

Nnị ḅọ siinyẹ ḅụ pịghị si ibinyẹ mịẹ, nnị nna tẹ́mẹ́ gbọrụ pa diin asọ ma dua.

Anị ibiḅam ḅẹ́ tumḅọ tọ́rụ́siarị ibifịrị ḅụ, ḅọ́rọ́ mịma anịị Tamuno tọ ḅara, sị siinyẹ mịẹsị tọ́rụ́siarị nakaragha.