Popular Bible Verses from 1 Kọrịntịapụ 15

Share

Anịgosi, ibi ijẹa mịnaapụ, ọ sẹ kụrọ, minima gbẹ́rẹ́nyẹ sọ ọ jighema ma. Sámamgba ọ mịnị ọmịna ḅụgbọrụ pa Kị́nị́nyánáḅọ fịrị ma pịrị, tegó o nimim ḅẹ́ ọmịna tọ́rụ́siarị Tamuno fịrị ma ḅụ papa faghaa.

Kụ́ma imiẹḅa fịnị Tamuno pịrị mịẹsị wa sọḅaarịḅọ wámịna nyánáḅọ Jizọs Krais ḅụ ḅọ́rọ́.

Minima nnị oḅori pa ị́ sị, <<Siiapụ na mịẹgbólóma nyẹ nyáná, ibiamịẹnyẹ sima simam.>>

Kụ́ma Tamuno tọ́rụ́kụrụkụ́rụ́ ḅụ a mịị fịnị ḅara ma fịnịm, ọ nyáná i pịrị tọ́rụ́kụrụkụ́rụ́ papa faghaa, ọkọgha, a ịnyọsua fịrịnwangị nnị kị́nị́mamgba nẹngịm, anịsọ irịgha kụ́ma Tamuno ma tọ́rụ́kụrụkụ́rụ́ iḅụbie fịrịnwangịarị nyẹ.

<<Fịị ị́yẹ́ sọ́ḅa tẹ́ ngá imii? Fịị ị́yẹ́ kị́nị́ tẹ́ kụ́rọ tẹ́ ngá imii?>> Fịị anị kị́nị́ tẹ́ kụrọ nyánaḅom sii ḅara, sii pịghị anị kụ́rọ nyánaḅom ólóghó ma ḅara.

Pughu, a ḅọghunyẹ dugho ọ pịrị: wamịnị kị́nị́mamgba fịịbịgha, kụ́ma n wamịnị kị́nị́mamgba dimabẹm anị gbẹ́rẹ́kiri, gbẹ́rẹ́ tọ́rụ́ gbẹ́ẹ̄ findi ḅụ, kunema ọdụ ma fie sáá. Ọdụ ma fiebẹm, fịịapụ ma nnị n saghịmabẹm mịnịfịbịgha oju ḅụ, wamịnị sọ dimabẹm.

Kụma fịị tumḅọ ḅụ ḅọ́rọ́ ḅo ḅara, fịị ḅụ saghị ma pịghị tumḅọ ḅụ ḅọ́rọ́ ḅom. Adam ḅụ ḅọ́rọ́ kị́nị́mamgba fịị ḅara, anị gbẹ́rẹ́ ḅara ma Krais bie kị́nị́mamgba ḅo dumaapụ sọ́bẹm.

Ḅụrụ́ bẹ oju ma ḅụrụbịghaa oju suabẹm, n pịghị fịị bẹnyẹ ma dima fịịbịgha nyẹ ḅụ suabẹm.

Ḅẹ́ Krais táa nyánam gosi ori ọrẹ iruonaapụ pa ọ ḅụọ sughu sua sa láa. Kunema n guluguluma bẹ iruonaḅọ anịị fịị.