Popular Bible Verses from 1 Kọrịntịapụ 11

Share

Anị gbẹ́rẹ́ ḅara ma n fị́nyẹ ma fị sọọ sáá ori ọmọngọ ma sághị akịm warị ḅẹẹ, <<Mịị ọmọngọ ma anịị Tamuno ịwọ ọḅọọ ma, ori ị́yẹ́ ọmbịnyẹ́ pa miẹtẹ́lẹ́ma nyẹ ị́ anị ḅuu sáá gonyẹ́ gonyẹ́ pa i pa biekóróma.>> Mịma dughoarị ḅẹẹ ị mị fịtúrú ma fị sáá gonyẹ́ gonyẹ́ pịghị mị ọmọngọ ma ḅụ ḅụụ sa gonyẹ́ gonyẹ́ i Kị́nị́nyánáḅọ ma fịị dugho pághámaarị akị mú o ḅo bẹ sáá láa.

A Kị́nị́nyánáḅọ ḅara daaḅom, a pịghị ḅọ́rọ́ma ọ pịrịarị dienyẹ ma, ḅẹẹ Kị́nị́nyánáḅọ Jizọs nnị ọ dẹrịfị éné dii ma ḅụ, ọ fịturu mpara akịm. Ịmịẹḅam pa Tamuno ma pịrị, anị puu warị ḅẹẹ, <<Mị ị́yẹ́ oju ma, n pa pịrịm ọmịna sịbị go. Ọ mịma mịẹsị pa i pa biekóróma.>>

Anị ẹrẹ́sị, ibima párị ịḅụ peele dighi, anịsáa fịtúrú ma fị pịghị ọmọngọ ma bie ḅụụ. Ị ḅọ́rọ́ Kị́nị́nyánáḅọ ma oju sẹ́pịrịnyẹ ma lighilighiḅogha lighilighiḅogha i fịtúrú ma fịarị sa na pịghị ọmọngọ ma bie ḅuuarị sáá, i ḅẹ́rẹ́kọọ akuoo ịḅụ pịrịarị i fịị pịghị ḅụụ sáá.

Anịgosi ḅọ́rọ́ kị́nị́ Kị́nị́nyánáḅọ fịtúrú ma fịfị na pịghị ori ọmọngọ ma bie ḅuu ḅuu anị ḅụgbẹ́gha ḅara i siinyẹ pa Kị́nị́nyánáḅọ oju ma na ọmbịnyẹ́ mịẹm.

Ọmịnị i ḅụọ dua, irịsọ Krais ḅụọ duaarị ḅara.