Popular Bible Verses from Mak 16

Share

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

A gha rhie ama ẹtin na ne avbe emwa ni yayi. Iran gha ya eni mwẹ khulo avbe esu ladian. Iran gha zẹ ẹvbo ne iran ma rẹn. Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

Avbe erhuanegbe keghi ladian ya gha kpe orhu lele ehe hia khian. Nọyaẹnmwa keghi rhie obọ ba iwinna iran, ọ kegha ye ama kevbe ẹtin rhie ma wẹ, orhu ẹmwata ọre iran kpe e.] [

Rẹn tama iran wẹẹ, “Wa ghẹ gie ohan mu uwa, Jesu ne ovbi Nazarẹt ne a kan rẹn mu ugbugbe wa gualọ khian. Sokpan ẹ i ghi rre emwa na, ọ rhiọkpaegbe nẹ, ghe ehe ne iran te wa ẹre yi.

Ugbẹn vbe iran ghi khian vbe odẹ, iran kegha zẹ iro wẹẹ, “De ọmwa ne ọ ra werriẹ okuta hin unu idin rre ne ima?” (Okuta ẹrẹkhẹrẹ nọ.) Ugbẹn vbe iran ghi tọn aro mu, iran ghi ya ghe a werriẹ okuta ni fua nẹ. Iran keghi la uwu idin ni, iran keghi do vba igbama ọkpa ne ọ yọ ẹwu ne ọ fua, ọ tota ye obọ erha ọmwa, ohan keghi mu iran.