Popular Bible Verses from Matiu 24

Share

Ọkhọ gha miotọ sẹrriọ ne a gha na miẹn wẹẹ aho ẹmwẹ ọmwa eni bun gha worua. Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Wa gha họn ẹmwẹ okuo ne ọ rre urria kevbe ogbigbi okuo ne ọ sikẹ uwa, sokpan ọnii ma rhie ma ighe ufomwẹ sẹ otọ nẹ.

Ẹvbo na gha mu okuo gie nọkpa, otọ arriọba na ghi mu okuo gie nọkpa. Ukhumwu kevbe igbohiotọ ghi gha rre ehe hia. Ena hia keghi yevbe emwi ubiẹmwẹ ne ọ ru okhuo vbe ọ te biẹ.

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Rhunmwuda, emwa ni bun gha rre vbe eni mwẹ wẹẹ, ‘Mẹ ọrọre nene Mẹzaia,’ iran ghi vbe rẹrẹ emwa ni bun re.

“A gha vbe munọ uwa, a ghi vbe viọ uwa gie emwa ni gha rri uwa oya. Emwa hia ghi gha khuiwu uwa ba ẹmwẹ mwẹ. Emwa ni bun ọre ọ gha lahin iyayi rre vbe ẹghẹ ni. Iran ghi gha ye egbe dẹ, ẹko iran ghi gha khọ egbe. Ẹghẹ ni ọre akhasẹ ohoghe ni bun gha na ladian, iran ghi vbe rẹrẹ ọkhọngborrie re.

Jesu wanniẹn tama iran wẹẹ, “Wa ghi yegbe ne ọmwaikọmwa ghẹ mu uwa rẹrẹ.

Rhunmwuda ọnii nian, wa khẹ ye egbe rhunmwuda Ovbi Ọmwa gha rre vbe ẹghẹ ne uwa ma ro wa ma kọọ.

Rhunmwuda ọnii, wa gha ba odẹ rhunmwuda wa ma rẹn ẹdẹ ne Nọyan uwa gha rre.

“Sokpan, ọmwa ọkpa ne ọ rẹn ẹdẹ ra ẹghẹ ne emwi na gha ya sẹ, ẹ i rrọọ, avbe odibosa ni rre ẹrinmwi, ra Ọmọ tobọ ẹre, ne ọ rẹn ọnrẹn, ẹ i rrọọ, gberra Evbavba Ọkpa.

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Te urremwẹ Ovbi Ọmwa ra ye vbe emwi ne ọ sunu vbe ẹghẹ ọghe Noa. Zẹẹ vbe ne a miẹn wẹẹ, ọ te do sẹ ẹghẹ uromwẹ amẹ, emwa kegha re, iran na gha da, ikpia kevbe ikhuo na gha rọnmwẹ egbe, rhinrin ya sẹ ikpẹdẹ ne Noa la okọ zẹẹ. Iran ma rẹn enaye uromwẹ amẹ te do kpolo ehia gha rrie. Erriọ ọ gha ye vbe Ovbi Ọmwa a rre.