Popular Bible Verses from Matiu 18

Share

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

“Ne I vbe rhie tẹe wẹẹ, wa eva gha sẹtin ku ekhọe gbe ya na erhunmwu nọ emwi ọkpa, Erha mwẹ ne ọ rre ẹrinmwi gha ruẹe ne uwa.

Rẹn keghi tie ọvbokhan ọkpa, ọ rhie ẹre mudia ye odaro iran. Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

“Ne I tama uwa hia nian, emwi ne uwa fan obọ ẹre vbe agbọn, a vbe fan obọ ẹre vbe ẹrinmwi. Emwi ne uwa ma vbe fan obọ ẹre vbe agbọn, a ma vbe fan obọ ẹre vbe ẹrinmwi.

Jesu keghi gbe ẹe wanniẹn wẹẹ, “Erriọ zẹẹ. Erha mwẹ ne ọ rre ẹrinmwi ra ru uwa, adeghẹ dọmwadẹ ọghọe vbe uwu uwa ma fan ekhọe rua yabọ ọtẹn ọnrẹn.”

“Ne ọmwaikọmwa gha ya ye ọkpa vbe uwu iran ne giẹrẹ ni ya mwẹ yi na ba odẹ mwẹ ku, ọ gha ma nẹẹn sẹ ne a de olọ ye ọre urhu, ne a dinmwi ẹn ye uwu amẹ okun.

Vbe uwa ro ẹmwẹ na hẹẹ? Ọmwa ne ọ mwẹ ohuan iyisẹn, deghẹ ọkpa wiri vbọ, de emwi ne ọ gha ru? Te ọ gha sẹ ọkpa i rrọ vbe iyisẹn ni dekẹe rae ye ehe ne iran na rri irunmwu ne ọ ya gualọ ohuan ne ọ wiri nii.