Popular Bible Verses from प्रकाशितवाक्य 9

Share

बाकि बन्दा ने जको वां मरीया लारे कोनी मरले हुते आपणे हाथा चे कामा लारे मन कोनी फिराले कि दुष्टात्मा ची ते सोने ते चान्दी ते पित्तल ते पत्थर ते लाकड़ी चीया मूर्तिया ची पूजा ना करो जको ना ङेख ना सोण ना टोर सग़ी। ते जको लुहीं बाहले, ते टूणे करले, ते व्यभिचार करला, ते चोरी वाणे करली हुती, वाणे वांचे कनु वी मन कोनी फिराले।

ओ धूंऐ महु धरती उपर तिङी निकड़ली, ते वानु धरती चे बिच्छुवा सिरखरी ताकत ङिली गेली। ते वानु केहले गेले, कि ना धरती चे खड़ा नु, ना कुई सावली नु, ना कुई दरख्ता नु नुकसान पुचाओ, हेको वां इन्साना नु जाये मत्थे उपर नरीकारा ची मौहर कोनी।

जिसे बेले पाँचवे स्वर्ग़दूता ने तुरही बजाली, तां मैं स्वर्ग़ा कनु धरती उपर हेक तारा ढेते ङेखला, ते ओनु पताल कोण्ड ची कुंजी ङिली गेली।

ते वां तिङीया नु लौका नु मारती नाखणे चा ना, पर पाँचा मेहना तक दर्द ङेणे चा अधिकार ङिला गेला, ते वांचा दर्द इसड़ा हुता जिंवे बिच्छुवा चे ङंग मारणे लारे इन्साना नु हुवे।

पताल कोण्ड चा दूत वांचे उपर राजा हुता ओचे नां इब्रानी भाषा मां अबद्दोन ते यूनानी भाषा मां अपुल्‍लयोन छै। यानिकि जा ङोन शब्दा चा मतलब नाश करना छै।