Popular Bible Verses from प्रकाशितवाक्य 5

Share

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।

ते वे ऊंची अवाजी मां किही पलते, “बलि चढ़ाले हुले आले मैमणे ही सामर्थ ते धन ते ज्ञान ते ताकत ते आदर ते महिमा ते धन्यवाद चे लायक छै।”

ते वानु अम्चे नरीकारा वास्ते हेक राज़ ते याजक बणाला। वे धरती उपर राज़ करी।”

बल्ति मैं स्वर्ग़ा मां ते धरती उपर ते धरती चे तले ते समुन्दरा चीया सारीया सृजलीया आलीया चीजा नु, ते सब कोच्छ नु जको वांचे मां छी, ईं केहते सुणले, “जको सिंहासना उपर ब़ेहला ओचा ते मैमणे चा धन्यवाद ते आदर ते महिमा ते राज़ युगानयुग रिहो।”

ऐचे उपर वां प्राचीना महु हेके ने मनु केहले, “ना रो। ङेख, यहूदा ची जाति चा ओ सिंह जको दाऊद ची ज़हड़ छै वे किताबे नु खोलणे ते विचीया सात मोहरा तरोड़ने वास्ते जयवन्त हुला।”