Popular Bible Verses from प्रकाशितवाक्य 16

Share

ते, “ङेखा, मैं चोरा आलीकर आवी। धन्‍न छै ओ जको जाग़ता रिहे, ते आपणे ओढ़णा ची रखवाली करता हो, कि उघाड़ा ना फिरता रिहो, ते लौक ओचा नंगापन ना ङेखो।”

ते छेवें स्वर्ग़दूता ने आपणा मुंगर फरात नांवा ची महा नदी मां रेड़ला, ते विचे पाणी सूखती गेले कि पूरब ची दिशा मां रेहणे आले राजा चे वास्ते मार्ग़ तियार हुती जाओ।

ये चैन्ह ङिखाणने आलीया दुष्टात्मा छी, जको सारे संसार चे राजा चे गोढु निकलती कर ऐवास्ते जई, कि वानु सर्वशक्‍तिमान नरीकारा चे ओ बङे ङिओ चे योद्ध चे वास्ते भेले करो।

ते बल्ति मैं ओ अजगर चे मुँहा कनु, ते ओ ङरावणे ढौरा चे मुँहा कनु ते ओचे कूड़े भविष्यवक्‍ता चा मुँहा कनु तीन दुष्टात्मा नु ङेङरा चे रूपा मां निकलते हुले ङेखले।

ते बन्दी खतरनाक गर्मी लारे ब़लु लाग़ली, ते नरीकारा चे नांवा ची जेह्णे जा आफता उपर अधिकार छै, निन्दा करली ते ओची महिमा करने चे वास्ते मन कोनी फिराले।

ते पेहले स्वर्ग़दूता ने जती कर आपणा मुंगर धरती उपर रेड़ती ङिला। ते वा बन्दा चे जको जानु ओ ङरावणे ढौर ची मौहर लाग़ली हुती, ते जको मूर्ति ची पूजा करते, हेक तरह चे गन्दे ते खतरनाक छाल्‍ले निकड़ले।

ते यूंही दुष्टात्मा ने संसारा चे सारा राजा नु भेले करती कर वे जग़हा उपर गेहती आलीया, जानु इब्रानी भाषा मां हरमिगदोन केहजे वे।