Popular Bible Verses from फिलिप्पियां 2

Share

आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा। पर हर हेक आपणे बारे ची ना, बल्कि ङुजा चे बारे वी चिन्ता करा।

जिसड़ा मसीह ईशु चा सुभाव हुता उसड़ा ही तम्चा वी सुभाव हो।

जेह्णे नरीकार चे स्वरूप मां हुती कर वी नरीकारा ची बराबरी हुवणे वास्ते आपणे वशा मां राखणे ची चीज कोनी समझली बल्कि ओणे तां आपणे सब कोच्छ त्याग़ती कर। ते हेक सेवक चा रुप धारण करती गेला, ते इन्सान हुती गेला। तां ओणे आपणे आप नु झुकाती गेले। ते इतना आज्ञाकारी बणती गेला कि आपणे जान तक न्योछावर करती ङिली ते वा वी क्रूसा उपर।

कांकि ओ नरीकारा ही छै जको वां कामा ची इच्छा ते वानु पूरा करने चा कर्म, जको नरीकारा नु भावी, तम्चे मां पैदा करे।

ऐवास्ते नरीकारा ने वी ओनु ऊंचे कनु ऊंचे। जग़हा उपर भुकाणले ते ओनु ऊं नां ङिले जको सारा नांवा कनु श्रेष्ट नां छै, कि जको स्वर्ग़ा मां ते धरती उपर ते पताला मां छी वे सारी ईशु चे नांवा उपर गोङे टेको, ते हर हेक जुबान ब़ा नरीकार ची महिमा वास्ते ग्रहण करो, कि “ईशु मसीह ही प्रभु छै। ”

सारे काम बिना बुड़कले ते बिना फसाद चे करले करा, ताकि तम्ही भोले-भाले ते पवित्र बणती जावा। बल्ति टेढे ते हठीले लौका चे बीच नरीकारा ची निष्कलंक ऊलाद्ध बणती जावा। वांचे बीच मां तम्ही जीवन चा वचन चते हुले दुनिया मां तारा आलीकर चमकते ङिसा।

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।