Popular Bible Verses from फिलिप्पियां 1

Share

मनु पूरा भरोसा छै कि ओ नरीकार जेह्णे तम्चे मां आच्छे काम शुरु करले ऊंही काम मसीह ईशु चे ङिओ तक नरीकार पुरे करी।

मैं हाओ प्राथना करता रिहे कि आपस मां तम्चा सच्‍चा प्रेम, ज्ञान, ते पुरी समझ सहित ओर वी बधता जाओ, इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा

कांकि माये वास्ते जीते रेहणे मसीह छै, ते मरणे माये वास्ते फायदेमन्द छै।

मैं जब-जब तम्हानु याद करे, तब-तब आपणे नरीकारा चा धन्यवाद करे।

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

कांकि मसीह ची वजह कनु तम्हानु हा मौका मिड़ला, सेर्फ हेको ब़स ओचे उपर विश्‍वास करा, पर ओचे वास्ते ङोख वी चवा।