Popular Bible Verses from इब्रानियां 3

Share

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

तां आपणे मना नु कठोर ना करा, जिंवे कि क्रोध ङिवाणे चे समय ते परीक्षा चे ङिओ बरब्याना मां करले हुते।

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।