Popular Bible Verses from 1 यूहन्‍ना 2

Share

तम्ही ना तां संसारा लारे ते ना संसारा चीया चीजा लारे प्रेम राखा। अगर कुई संसारा लारे प्रेम राखे, तां ओचे मां ब़ा नरीकारा चा प्रेम कोनी। कांकि जको कुई संसारा मां छै, यानिकि शरीरा ची इच्छा ते आंखीया लारे ङेखती कर ओनु पाणे ची मना मां इच्छा ते जीविका चे घमण्ड, ओ ब़ा नरीकारा ची ओर कनु कोनी पर संसार ची ओर कनु छै।

संसार ते ओचीया बुरीया इच्छा ङोनी मिटते जई पले, पर जको कुई नरीकारा ची इच्छा उपर टुरे ऊं सदा बणले रिही।

जको हा किहे कि मैं नरीकारा मां बणला रिहे, ओनु ईशु मसीह चे समान जीवन जीणा चाही छै।

हे माये ब़ाले, मैं ये बाता तम्हानु ऐवास्ते लिखे पला कि तम्ही पाप ना करा, ते अगर कुई पाप करे, तां नरीकारा कनु अम्चा हेक सहायक छै, यानिकि धर्मी ईशु मसीह

जको कुई ईं किहे, “मैं नरीकारा नु जाणती गेला” ते ओचे आज्ञा नु ना मनी, ते ऊं बन्दे कूड़े छै, ते ओचे दिला मां सच्‍चाई कोनी

अगर अम्ही नरीकारा चीया आज्ञा नु मनु, तां ऐचे कनु अम्ही जाणती गिहुं कि अम्ही नरीकारा नु जाणती गेले।

ते जको कुई हा ई किहे कि मैं सोज़ले मां छै, ते आपणे भावां लारे बैर राखे, ओ हमा तक अन्धकार मां ही छै।

पर जको कुई किही कि ईशु नरीकारा चे तरफु कनु अभिषेक करला आला संसारा नु बचावणे वास्ते कोनी आला, ओ कूड़ा छै, ते इसड़ी बन्दी मसीह चे विरोधी छी, पर जको ङुहुं चा ब़ा ते पूता चा इन्कार करे।

जको कुई पूता चा इन्कार करे ओचे गोढु ब़ा वी कोनी। जको पूता नु मनती गिहे, ओचे गोढु ब़ा वी छै।