Popular Bible Verses from Gétsutsuéô 19

Share

Tôtsôkékéni. Tôenéni gényônga. Tôkumédéni ôndômbedi. Ndéône ébuéyi éne éayômba dingabaa Môpaga Endombo. Môgetone angabaaôni amani ékôkéga.

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Miso medi moobébayi ga soto. Gô môtsé amaata épôkôdô éyekani éokumaka. Gôndé angô gômatendu ina ésoongôa môma émenya buétsé te amuene. Amaata môkanda ômeenô gô nzina. Inedi te Ogi ANzambé.

Gô mônya ône atetu mbe, Ogi ANzambé, gômakusa ébaga éamengô. Na éangô angabeta tsengeye yetso. Angatôma yangô na môtunga amuahnga ôsaba na ngeba. Na angapinya miônda gô gétsanga sopisa ôbabaka aNzambé, Kumu otômue wetso.

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.