Popular Bible Verses from Hébreux 10

Share

Tômbiatsika éwanyéa gô eba aNzambé. Tômbiaba gandé avo amadeka gésima sagévigé na gô eba aNzambé. Géé wa n’anyô buedi mbe tôdenganô gôékasôana wa n’anyôene. Tôôtéa éénda nana veena wa n’anyô mbe nyee agénikéô saKumu ôwesea.

Tôkasôanéni wa n’anyôene na wa n’anyôene gôéôtéa ényôngananéô na gôéôtéa éyanza mane mamisôba.

Tôsimbédéni pepe éne étôtendédani na éne étôéékédani. Tôsoongôa étsuma paga gôndé Nzambé na éne émavangéa angô wa n’anyô.

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Tambô sipani gamasipanye v’ebandô gébé na buétsé. Môsenda ôvôni ôkeneo gôndé anye nôsipani.

Okô wa n’anyô tômani éôkô mabégô mapie, tôômba éénda mane masanyôngéô Nzambé n’osôbee asô n’anyô, gôsabadô wene ôgondoku ôngoongôa étônôtôa ébévee éne. Okô tôdigéyi n’osôbee asô gô mabégô mabévani gôsabadô yene ébégô, te gomo ôtévo gô éne éngabuéani. Ene éngabuéani te môtsundu ôvôni aNzambé na soto géseemakani gékeneo gôndé adudeo aNzambé.